नेप्सेमा सामान्य सुधार, ६.११ अंकको वृद्धि; कारोबार ८ अर्ब ४१ करोड रुपैयाँ नाघ्यो

काठमाडौं । नेपाल स्टक एक्सचेञ्ज (नेप्से) परिसूचक मंगलबार सामान्य अंकले बढेको छ। आज नेप्से ६.११ अंकले वृद्धि हुँदै २,५७६.२९ विन्दुमा पुगेको हो।

आज ३८३ वटा कम्पनीका १ करोड ८२ लाख ९३ हजार ५९६ कित्ता शेयर खरिद–बिक्री हुँदा कुल ८ अर्ब ४१ करोड ७५ लाख ७० हजार ४२५ रुपैयाँ बराबरको कारोबार भएको छ। कारोबारमा उत्पादन तथा प्रशोधन समूहबाहेक सबै उपसमूहका परिसूचक हरियाली देखिएका छन्।

आज सबैभन्दा बढी कामना सेवा विकास बैंक डिबेन्चर २०८७ को मूल्य १०.२२ प्रतिशतले वृद्धि भएको छ भने सांग्रिला विकास बैंक डिबेन्चर २०८७ ९.८२ प्रतिशतले बढेको छ। यता सामुदायिक लघुवित्त वित्तीय संस्था को शेयर मूल्य सबैभन्दा धेरै ८.१० प्रतिशतले घटेको छ।

कारोबार रकमका आधारमा केबीएल डिबेन्चर २०९० अग्रस्थानमा रहँदै ५२ करोड ७१ लाख रुपैयाँभन्दा बढीको कारोबार भएको छ। त्यसपछि एनआईएमबी डिबेन्चर २०९० को ३९ करोड १६ लाख रुपैयाँ बराबरको कारोबार भएको छ।