बागमती नगर खुल्ला खेल मैदान तथा विकास समितिको नेतृत्वमा ललितबहादुर

काठमाडौँ , जेठ ६ गते । नगर खुल्ला खेल मैदान तथा विकास समितिले आठौँ साधारणसभा सम्पन्न गरेको छ । साधारणसभाले ललितबहादुर श्रेष्ठको अध्यक्षतामा १३ सदस्यीय नयाँ कार्यसमिति चयन गरकोे छ । उपाध्यक्ष देवकी न्यौपाने (मुना) , सचिव साधुरामबास्कोटा, कोषाध्यक्ष नकुल गौतम चयन हुनुभएको छ ।

त्यस्तै सदस्यहरमा विष्णु खत्री, रामकुमार पौडेल, अनिल बस्नेत, समिर भट्ट, रामगोपाल बस्नेत, उज्जल दाहाल, देउती आचार्य, केदार कटुवाल र वीरबहादुर खत्री मनोनित हुनुभएको छ । गत शनिवार बौद्ध प्लानिङस्थित अरुणीय शैक्षिक प्रतिष्ठानको सभाहलमा आयोजित एक कार्यक्रमबीच नयाँ कार्यसमिति सर्वसम्मत रुपमा चयन गरिएको हो ।

नयाँ निर्वाचित कार्यसमितिलाई निवर्तमान अध्यक्ष ठाकुरप्रसाद बास्कोटा र निवर्तमान सचिव काशीनाथ अर्यालले टिका र खादा लगाएर सफल कार्यकालको शुभकामना दिनुभएको थियो ।

समितिले स्थानीयटोल छिमेका आइपर्ने समस्या समाधान गर्नेदेखि लिएर बाटोघाटो, खानेपानी र त्यस क्षेत्रको खुला खेल मैदान संरक्षण लगायतका कार्यकमा आफ्ना गतिविधि अगाडि बढाइरहेको समाजका निवर्तमान अध्यक्ष ठाकुरप्रसाद बास्कोटाले बताउनुभयो ।