एनपिएलको तेस्रो संस्करण कात्तिक ९ देखि, मंसिर ५ गतेसम्म सञ्चालन हुने

काठमाडौं । नेपाल प्रिमियर लिग (एनपिएल)को तेस्रो संस्करण आगामी कात्तिक ९ गतेदेखि मंसिर ५ गतेसम्म सञ्चालन हुने भएको छ।

नेपाल क्रिकेट संघ (क्यान)ले शनिबार साँझ विज्ञप्ति जारी गर्दै एनपिएल २०२६ को मिति सार्वजनिक गरेको हो। क्यानका सचिव पारस खड्काद्वारा जारी विज्ञप्तिअनुसार प्रतियोगिता करिब एक महिनासम्म सञ्चालन हुनेछ।

तेस्रो संस्करणका लागि खेलाडी अक्सन यसअघि नै सम्पन्न भइसकेको छ। प्रतियोगितामा सहभागी आठवटै फ्रेन्चाइज टोलीले अहिले विदेशी खेलाडी अनुबन्ध गर्ने प्रक्रिया अघि बढाइरहेका छन्।

एनपिएलको पहिलो संस्करणको उपाधि जनकपुर बोल्ट्सले जितेको थियो भने दोस्रो संस्करणमा लुम्बिनी लायन्स च्याम्पियन बनेको थियो। अब तेस्रो संस्करणमा आठ टोलीबीच उपाधिका लागि प्रतिस्पर्धा हुनेछ।