राष्ट्रिय सभाका दुई समितिको बैठक आज

काठमाडौं । राष्ट्रिय सभाअन्तर्गतका दुई समितिको बैठक आज बस्दैछ । बैठकमा कर्णाली प्रदेशको अनुगमन प्रतिवेदनदेखि नागढुङ्गा–सिस्नेखोला सुरूङ्गमार्ग आयोजनासम्मका विषयमा छलफल हुने भएको छ ।

बिहान ११ बजे बस्ने संघीयता सबलीकरण तथा राष्ट्रिय सरोकार समितिको बैठकमा कर्णाली प्रदेशमा गरिएको स्थलगत अनुगमन तथा अन्तरक्रिया कार्यक्रमको प्रतिवेदनमाथि छलफल गरिने कार्यसूची रहेको छ ।

यस्तै, बिहान ११ बजेदेखि नै सुरु हुने सार्वजनिक नीति तथा प्रत्यायोजित विधायन समितिको बैठकमा नागढुङ्गा–सिस्नेखोला सुरूङ्गमार्ग आयोजनाको प्रगति र अवस्थाबारे सम्बन्धित विभाग तथा आयोजना प्रतिनिधिसँग छलफल गरिनेछ ।