फ्रान्स स्विडेनलाई ३–० ले हराउँदै अन्तिम १६ मा, एम्बाप्पेको दुई गोल

काठमाडौँ| फिफा विश्वकप फुटबल प्रतियोगिताअन्तर्गत आज भएको खेलमा फ्रान्सले स्विडेनलाई ३–० गोलअन्तरले पराजित गर्दै अन्तिम १६ मा स्थान बनाएको छ ।

अमेरिकाको न्यूजर्सीस्थित रंगशालामा भएको खेलमा फ्रान्सको जितका लागि किलियन एम्बाप्पेले दुई गोल गरे । उनले खेलको ४५औँ र ७४औँ मिनेटमा गोल गरेका हुन् । यस्तै, ब्राडली बारकोलाले ५३औँ मिनेटमा एक गोल थपे ।

यस जितसँगै फ्रान्सले अन्तिम १६ मा प्रवेश गरेको छ । अब फ्रान्सले पाराग्वेसँग प्रतिस्पर्धा गर्नेछ ।

यता, अन्तिम–३२ अन्तर्गत गएराति भएको अर्को खेलमा नर्वेले आइभरी कोस्टलाई २–१ गोलअन्तरले पराजित गरेको थियो । साथै, आज बिहान ६ः४५ बजे मेक्सिको र इक्वेडोरबीच प्रतिस्पर्धा हुँदैछ ।