अमेरिकाद्धारा नेपालका लागि ट्राभल एड्भाइजरी जारी

काठमाडौँ।अमेरिकाले नेपाल यात्रा गर्ने आफ्ना नागरिकका लागि ट्राभल एड्भाइजरी अद्यावधिक गर्दै थप सतर्कता अपनाउन आग्रह गरेको छ ।३१ मार्चमा अद्यावधिक गरिएको एभाइजरी लेभल घटाएर २ मा झारिएको छ । लेभल–२ ले थप सावधानी अपनाउनुपर्ने संकेत गर्छ ।गत भदौमा भएको जेनजी आन्दोलनलगायतका घटनापछि कडाइ गरिएको ट्राभल एड्भाइजरी हाल घटाइएको हो ।

एड्भाइजरी अनुसार, सेप्टेम्बर २०२५ देखि सुरु भएका देशव्यापी प्रदर्शनहरू अहिले रोकिएका छन् र सुरक्षा अवस्था सामान्यतर्फ फर्किएको छ । तर, विशेषगरी सहर क्षेत्रमा प्रदर्शन तथा स्थानीय अशान्ति अझै हुन सक्ने चेतावनी दिइएको छ ।

एड्भाइजरीमा प्रदर्शनहरू बिनापूर्वसूचना सुरु हुन सक्ने र केही अवस्थामा हिंसात्मक बन्न सक्ने उल्लेख गर्दै नागरिकलाई भीडभाडबाट टाढा रहन र स्थानीय प्रशासनको निर्देशन पालना गर्न आग्रह गरिएको छ ।