काठमाडौं–२ का आजपा उम्मेदवार थापाले चुनावी भेटघाट एवं छलफललाई तिब्रता दिदै

काठमाडौं, २३ माघ
आम जनता पार्टी (आजपा)का सहअध्यक्ष एवं काठमाडौं क्षेत्र नं.२ का उम्मेदवार तिलक थापामगरले चुनावी छलफल तथा भेटघाटलाई तिब्रता दिएका छन् ।

काठमाडौं क्षेत्र नं. २ को जडीबुटी, कोटेश्वर, मुलपानी, पेप्पसीकोलाका मतदाता, एवं पार्टीका नेताकार्यकर्तासंग शुक्रबार थापामगरले चुनावी भेटघाट एवं छलफल गरेका छन् ।

छलफलका क्रममा उनले यसअघि यस क्षेत्रबाट जितेका नेताहरुले यहाँको समस्या समाधानमा चासो नदिएको बताए । स्थानीय नेताकार्यकर्ता एवं मतदाताले काठमाडौं क्षेत्र नं. २ को समस्या राख्दै त्यसलाई समाधान गर्न पहल गर्नुपर्ने आग्रह गरेका छन् ।

देशकै संघीय राजधानी भएको काठमाडौंको क्षेत्र नं. २ मा गुणस्तरीय शिक्षा, स्वास्थयका साथै सुकुम्बासी, खानेपानी, रोजगारी लगायतको समस्या रहेको र त्यसलाई समाधान गर्न पहल गर्नुपर्ने माग स्थानीयले गरेको आजपा नेता थापामगरले बताए ।

‘ठुलाठुला कुरा गरेर यस क्षेत्रबाट यसअघि निर्वाचन जित्नेले काम नगर्दा स्थानीयले आक्रोश व्यक्त गरिरहेका छन् । काठमाडौं क्षेत्र नं. २ मा खानेपानी, गुणस्तरीय शिक्षा, रोजगार लगायतको समस्या समाधान गर्नुपर्ने माग उहाँहरुको रहेको छ,’ आजपा उम्मेदवार थापामगरले भने, ‘काठमाडौं मुलुककै संघीय राजधानी हो तर यहाँबाट बिजयी नेताले काम नगर्दा स्थानीयलाई समस्या छ ।’

अहिलेको सिस्टम सुधार, भ्रष्टाचार, कुशासन, अनियमितताको अन्त्यका लागि आफूले आजपाबाट उम्मेदवारी दिएको बताउदै खानेपानी, गुणस्तरीय शिक्षा, रोजगारीका लागि पहल गर्ने प्रतिबद्धता व्यक्त गरेका छन् । आजपाले विगतदेखी नै काठमाडौंको सुकुम्बासी समस्या, खानेपानी समस्या, रोजागारी समस्या, मनोमानी कर आतंक बिरुद्ध संघर्ष गर्दै आएको बताउदै यि समस्याहरुको समाधान आफूहरुले नै गर्ने बताए ।

यस्तै सहकारी पीडित, लघुवित र वितिय संस्थाका पीडितलाई न्याय दिलाउन समेत पार्टीले गरेको संघर्ष, आन्दोलनको बारेमा जानकारी गराउदै आउँने दिनमा पनि संघर्षका कार्य जारी राख्ने थापामगरले बताए ।

काठमाडौं क्षेत्र नं. २ मा रहेको मनोहरा खोला सहित खोलाबाट पीडितलाई न्यायदिलाउनकै लागि आफूले यस क्षेत्रबाट उम्मेदवारी दिएको उनले बताए । आफू पनि काठमाडौंबासी नै भएको बताउदै उनले यहाँको वास्तविक समस्याको बारेमा जानकार रहेका र त्यसलाई समाधान गर्ने प्रतिबद्धता व्यक्त गर्दै थापामगरले ‘मोवाइल’ छापमा मतदान गरी आजपाका उम्मेदवारलाई बिजयी बनाउन अनुरोध गरे ।

काठमाडौंको धर्म, संस्कृती, रितिरिवाज, कला, साहित्य लगायतको संरक्षण, जर्गेना गर्दै अगाडी बढने बताउदै उनले काठमाडौंलाई देशबासीको मुख्यशहरको रुपमा रहेको र सोही अनुसार काम गर्ने प्रतिबद्धता व्यक्त गरे ।