म्यानमारमा ७.७ म्याग्निच्युडको भुकम्प

काठमाडौं । म्यानमारमा शुक्रबार ७.७ रेक्टर स्केलको भुकम्प जाँदा हताहति हुनेको पूर्ण विवरण आइसकेको छैन ।यसको असर थाइल्याण्डको राजधानी बैंककसम्म परेको बताइएको छ । भूकम्पपछि थाइल्यान्डको राजधानी बैंककमा सयौं मानिसहरू भवनबाट बाहिर निस्किएका थिए ।

भूकम्पको धक्का थाइल्यान्डको राजधानी बैंककमा पनि महसूस गरिएको छ, जहाँका धेरै भवनहरू खाली गरिएका छन्। बैंककमा केही भवनहरू क्षतिग्रस्त भएका छन् भने, म्यानमारको राजधानी नेपिडमा सडकहरू भत्किएका छन्।समाचार संस्था सिन्ह्वाका अनुसार भूकम्पको केन्द्रबिन्दु जमिनबाट १० किलोमिटर गहिराइमा रहेको र यसको स्थान २१.९० डिग्री उत्तर अक्षांश र ९५.६५ डिग्री पूर्व देशान्तरमा रहेको प्रारम्भिक जानकारी प्राप्त भएको छ ।
क्षतिको पूर्ण विवरण भने आइसकेको छैन् ।करिब १२ लाख जनसंख्या भएको म्यान्डेले शहरबाट लगभग १७.२ किलोमिटर केन्द्रविन्दु बनाएर भूकम्प गएको हो । बैंककका प्रत्यक्षदर्शीहरूले मानिसहरु आतंकित भएर सडकमा दौडेको र स्विमिङ पुलबाट पानी छछल्किएको बताएका छन् ।

क्षतिको विवरण साँझसम्म आइसक्ने बताइएको छ ।