काम गर्नेहरूलाई हावादारि गफ गर्नेसँग तुलना नगराैं : उपप्रधानमन्त्री सिंह

काठमाडौं/ २५ माघ,उपप्रधानमन्त्री एवम् शहरी विकास मन्त्री प्रकाशमान सिंहले काम गर्नेहरूलाई हावादारी गफ गर्नेहरूसँग तुलना गर्न नमिल्ने बताउनुभएकाे छ । शुक्रबार आफ्नै निर्वाचन क्षेत्र काठमाडौं १ अन्तर्गत पर्ने काठमाडौं महानगरपालिका वडा नं २९ काे वडा भवन उद्घाटन गर्दै उहाँले यस्ताे बताउनुभएकाे हाे ।

` संविधान जारी गरेकाे कुरा याे केही हाेइन भनेर भन्छन् । के गर्दा ठुलाे कुरा हुने यहाँ ? काम गर्नुहरूलाई त्यसै हावादनरी गफ गर्नेहरूसँग तुलना गरेर हुन्छ ?´ उहाँले भन्नुभयाे,`तपाईहामीले हाेहल्ला गर्ने पछाडीकाे नियत के हाे ? त्याे पनि बुझ्नुपर्याे नि । हाेहल्ला गर्नेकाे पृष्ठभूमि कसैले नबुझ्ने  । विदेशमा कति हजार डलर कमाइराकाे छाेडेर आकाे भनेर भन्छन् । छाेडेर आएकाे कि केही काण्ड भएर फर्केर आएकाे हाे ? त्याे पनि बुझ्नुपर्याे नि ।´ उपप्रधानमन्त्री सिंहले राजनीति गर्न चरित्र नचाहिने हाे भन्दै प्रश्न पनि गर्नुभयाे । उहाँले राजनीतिमा लागेर सेवा गर्ने र ठगी खानेहरूकाे ठण्डा दिमागले लेखाजाेखा गर्न पनि आग्रह गर्नुभयाे ।

त्यस्तै उहाँले नागरिककाे सरकार स्थीर हाेस् भन्ने चाहनाअनुसार कांग्रेस एमाले मिलेर सरकार बनेकाे र अर्थतन्त्र चलायमान बनाउँदै लयमा ल्याउनका लागि अध्यादेश ल्याइएकाे पनि प्रष्ट पार्नुभयाे ।

त्यस्तै, फरक सन्दर्भमा उहाँले सार्वजनिक जग्गा जनताकाे लागि हुनुपर्ने र स्थानीयले उपभाेग गर्न पाउनुपर्ने बताउनुभयाे । सरकारले त्यसका लागि काम गरिरहेकाे भन्दै नागरिकतहबाट सरकारलाई साथ दिन पनि सिंहले आग्रह गर्नुभयाे । उहाँले काठमाडौं क्षेत्र नं १ बाट आफूले संसदमा प्रतिधित्व गरेपछि सडक, सामुदायिक विद्यालयका पूर्वाधारमा धेरै काम भएकाे बताउनुभयाे । उहाँले अब स्वास्थ्यमा ध्यान दिनुपर्ने भन्दै प्रभावकारी वडा क्लिनिक बनाउनका लागि काम गर्नुपर्नेमा जाेड दिनुभयाे ।

वडाकाे प्रशासकीय भवन बनेपछि काठमाडौं २९ काे सेवा प्रभावकारी बन्ने पनि सिंहले विश्वास व्यक्त गर्नुभयाे ।