आईकेओका चार जना खेलाडीले पदक हासिल गर्न सफल

ललितपुर/१ मंसिर: जेन क्योकुशिन नेशनल फूल कन्ट्याक कराते प्रतियोगिता २०८२ मा आईकेओ क्योकुशिनकाई कराते नेपालका चार जना खेलाडीले पदक हासिल गर्न सफल भएका छन् ।
आईकेओ क्योकुशिनकाई कराते नेपालका प्रमुख प्रशिक्षक समीर श्रेष्ठले दिनुभएको जानकारी अनुसार नेपाल जेन क्योकुशिन कराते एशोशियशन पर्साले शनिबार वीरगञ्जमा आयोजना गरेको जेन क्योकुशिन नेशनल फूल कन्ट्याक कराते प्रतियोगिता २०८२मा आईकेओ क्योकुशिनकाई कराते रोहिस वि.क.ले ३० के.जी तौल समूहमा प्रथम, तिर्थमान जिम्माले ३५ के.जी. तौल समूहमा प्रथम दिप्सन रागु मगरले ४५ के.जी तौल समूहमा प्रथम र विवस गोलेले ५० के.जी तौल समूहमा दोस्रोस्थान हासिल गर्न सफल भएका छन् ।
उक्त प्रतियोगितामा आईकेओ क्योकुशिनकाई कराते नेपालका प्रशिक्षक उत्तम स्थापितले मुख्य निर्णायकको भूमिका निर्वाह गर्नुभएको श्रेष्ठले जानकारी दिनुभयो।
उक्त प्रतियोगितामा आईकेओ क्योकुशिनकाई कराते नेपालका ब्रान्चचिफ दिपक लामाको,समेत उपस्थिति रहेको थियो।
आईकेओ क्योकुशिनकाई कराते नेपालले हरेक वर्ष नेपालमा रहेका विभिन्न करातेका खेल संघहरुसंगको सहकार्य र समन्वय हुने प्रतियोगितामा आफ्ना खेलाडीहरुलाई प्रतिस्पर्धा गराउँदै आएको छ।