१२ कक्षा नतिजा : उत्तीर्ण ६१.१७ प्रतिशत, ननग्रेड ३८.८३ प्रतिशत

मुग्लान न्युज २०८२ श्रावण १९, सोमबार , प्रकाशित शिक्षा | समाचार

काठमाडौँ । राष्ट्रिय परीक्षा बोर्डले कक्षा १२ को वार्षिक परीक्षाको नतिजा सार्वजनिक गरेको छ। सोमबार बसेको बोर्ड बैठकको निर्णयअनुसार नतिजा प्रकाशन गरिएको हो। सार्वजनिक नतिजा अनुसार कक्षा १२ मा ६१.१७ प्रतिशत विद्यार्थी उत्तीर्ण भएका छन् ।त्यस्तै, ३८.८३ विद्यार्थी ननग्रेड भएको राष्ट्रिय परीक्षा बोर्डले जनाएको छ ।

गत वैशाख २१ गतेदेखि सुरु भएको परीक्षामा पाँच लाख ११ हजार ५२५ विद्यार्थी सहभागी भएका थिए । परीक्षामा नियमिततर्फ तीन लाख ९५ हजार ९०८ जना र आंशिकतर्फ एक लाख १५ हजार ६१७ जना सहभागी थिए । यस वर्ष नेपाल शिक्षक महासंघको आन्दोलनका कारण वैशाख ११ गतेदेखि तोकिएको परीक्षा १० दिन पछि सरेको थियो। जेठ २ गते परीक्षा सम्पन्न भएपछि बोर्डले उत्तरपुस्तिका परीक्षण लगायतको काम थालेको थियो।

बोर्डको लेटर ग्रेडिङ निर्देशिका २०७८ अनुसार, प्रत्येक विषयको सैद्धान्तिकतर्फ न्यूनतम ३५ प्रतिशत अंक प्राप्त नगर्ने विद्यार्थीको नतिजामा नन-ग्रेडेड उल्लेख गरिन्छ।

मुग्लान न्युजमा प्रकाशित कुनै समाचारमा तपाईंको गुनासो भए हामीलाई muglannews02@gmail.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने muglannews02@gmail.com मा सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।