उप-डोजो उद्‌‌घाटनका अवसरमा एफआइकेकेका ब्रान्च चिफ देशार सम्मानित

काठमाडौं/ १३ साउन, एफआइकेकेको उप डोजो उद्घाटनका अवसरमा नेपाल इन्टरनेशनल कराते क्योकुशिनकाई एशोसियसन एफआइकेकेका ब्रान्च चिफ केशव देशार सम्मानित भएका छन्।

चन्द्रागिरी नगरपालिका १२ बलम्बुमा आइतबार एफआइकेकेको उप डोजो उद्घाटनका क्रममा देसार सम्मानित भएका हुन् । 
फूलकन्ट्याक करातेमा योगदान दिएवापत उपडोजोले उनलाई सम्मान गरेको हो । ब्रान्च चिफ देशार बागमती प्रदेशको नेपाल फूलकन्ट्याक कराते तदर्थ समितिका अध्यक्ष समेत हुन् । 
सोही अवसरमा राष्ट्रिय खेलकुद परिषद अन्तर्गत नेपाल फूलकन्ट्याक करातेका मुख्य प्रशिक्षक मुख्य प्रशिक्षक कुमार श्रेष्ठलाई समेत सम्मान गरिएको छ । 
कार्यक्रममा एफआइकेकेका कोषाध्यक्ष शारदा थिङसहितका अग्रज खेलाडीहरु सुनिल आचार्य, विकास श्रेष्ठ, सम्झना श्रेष्ठ, समिर दुधराज, राजकुमार नगरकोटी लगायतको उपस्थिति थियो।उप-डोजो प्रशिक्षक अभिशेक डंगोलले डोजोको आगामी कार्यक्रमहरुको बारेमा जानकारी गराउनुभएको थियो।