प्रधानमन्त्री ओली स्वदेश फर्कँदै

काठमाडौं। भूपरिवेष्टित विकासशील राष्ट्रहरू (एलएलडिसी)को तेस्रो संयुक्त राष्ट्रसंघीय सम्मेलनमा भाग लिएर प्रधानमन्त्री केपी शर्मा ओली आज स्वदेश फर्किंदैछन् ।नेपाली प्रतिनिधि मण्डलको नेतृत्व गर्दै साउन १८ गते मध्यराति तुर्कमेनिस्तान गएका प्रधानमन्त्री ओली आज स्वदेश फर्किन लागेका हुन् ।

प्रधानमन्त्री नेतृत्वको उच्चस्तरीय भ्रमण टोलीमा प्रथम महिला राधिका शाक्य,प्रधानमन्त्रीका मुख्य सल्लाहकार विष्णुप्रसाद रिमाल,एमाले सांसद सूर्य थापा,प्रधानमन्त्रीका प्रमुख स्वकीय सचिव राजेश बज्राचार्य, निजी चिकित्सक प्रा.डा.दिव्यासिंह शाह,परराष्ट्र मन्त्रालयका सचिव अमृतबहादुर राई,उच्चपदस्थ सरकारी अधिकारी,अफिसियल मिडियाकर्मी र सुरक्षाकर्मीसमेत छन् ।

प्रधानमन्त्री आज राती काठमाडौं आइपुग्ने कार्यक्रम तय भएको उनको सचिवालयले जनाएको छ ।