फिलिपिन्समा शक्तिशाली भूकम्प, सुनामीको चेतावनी जारी

काठमाडौँ ।  फिलिपिन्समा शक्तिशाली भूकम्प गएपछि सुनामीको चेतावनी जारी गरिएको छ।

अमेरिकाको भूगर्भ सर्वेक्षण संस्थाका अनुसार भूकम्प जमिनको सतहबाट करिब ३५ किलोमिटर गहिराइमा केन्द्रित भएर गएको हो।

भूकम्प लगत्तै फिलिपिन्सको ज्वालामुखी तथा भूकम्प अध्ययन संस्थाले तटीय क्षेत्रका बासिन्दालाई सतर्क रहन तथा सुरक्षित स्थानतर्फ जान आग्रह गर्दै सुनामीको चेतावनी जारी गरेको जनाएको छ।

हालसम्म भूकम्पबाट भएको मानवीय तथा भौतिक क्षतिको यकिन विवरण प्राप्त भइसकेको छैन। सम्बन्धित निकायहरूले प्रभावित क्षेत्रको अवस्था मूल्याङ्कन तथा उद्धार तयारीलाई तीव्र बनाएका छन्।