दीपक भट्ट छुट्न लागेका हुन् ? अदालतले दियो यस्तो आदेश

काठमाडौं । सर्वोच्च अदालतले व्यवसायी दीपक भट्टलाई उपस्थित गराउन आदेश दिएको छ । न्यायाधीश अब्दुल अजीज मुसलमानको एकल इजलासले सोमबार भट्टलाई सर्वोच्च अदालतमा उपस्थित गराउन आदेश दिएको हो ।

चैत्र १९ गते सम्पत्ति शुद्धीकरणको कसुरमा पक्राउ परेका भट्टलाई तत्काल छोड्न माग गर्दै उनकी पत्नी आयुस्मा नेपालले रिट दायर गरेकी थिइन् । उक्त रिटमा सुनुवाइ गर्दै सर्वोच्चले कारण देखाउ आदेश जारी गर्दै अदालतमा उपस्थित गराउन आदेश गरेको हो ।

सर्वोच्चले विपक्षी नेपाल सरकारका नाममा कारण देखाउ आदेशसमेत जारी गरेको छ ।