कलकत्ता बन्दरगाहमा ३० हजार मेट्रिक टन युरिया मल आइपुग्यो, नेपालतर्फ आपूर्ति तीव्र

sasmita pathak २०८३ श्रावण ६, बुधबार , प्रकाशित अर्थतन्त्र | कृषि

काठमाडौं । नेपालका कृषकलाई समयमै रासायनिक मल उपलब्ध गराउने उद्देश्यले भारतको कलकत्ता बन्दरगाहमा ३० हजार मेट्रिक टन युरिया मल बोकेको तेस्रो जहाज आइपुगेको छ।

कृषि तथा पशुपन्छी विकास मन्त्रालयका अनुसार भारतमा निरन्तर भइरहेको वर्षाका कारण मालवाहक रेल सञ्चालन प्रभावित हुँदा हिजो नेपाल आइपुग्ने तय भएको १ हजार २५० मेट्रिक टन युरिया मल बोकेको रेल अब भोलि नेपाल आइपुग्नेछ। त्यस्तै, २ हजार ५०० मेट्रिक टन डीएपी मल बोकेको अर्को रेल पनि भोलि नेपाल आइपुग्ने अपेक्षा गरिएको मन्त्रालयले जनाएको छ।

युरिया मलको आपूर्तिलाई थप सहज बनाउन कलकत्ताबाट विराटनगरतर्फ ३०० मेट्रिक टन र भैरहवातर्फ ४५० मेट्रिक टन युरिया मल ट्रकमार्फत पठाइसकिएको छ।

मन्त्रालयका अनुसार बाँकी रासायनिक मल पनि चरणबद्ध रूपमा नेपाल भित्र्याइनेछ र आवश्यकताअनुसार देशभर वितरण गरिनेछ। कृषकलाई आवश्यक पर्ने रासायनिक मलको आपूर्ति तथा वितरणलाई निरन्तरता दिइरहेको मन्त्रालयले जनाएको छ।

मुग्लान न्युजमा प्रकाशित कुनै समाचारमा तपाईंको गुनासो भए हामीलाई muglannews02@gmail.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने muglannews02@gmail.com मा सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।