ल्यार्चामा हिमपाइप राखेर चीनसंग जोड्ने अरनिको राजमार्ग सञ्चालन

सिन्धुपाल्चोक/ १९ असोज, पूर्वमन्त्री एवम् नेपाली कांग्रेस केन्द्रीय सदस्य मोहनबहादुर बस्नेतको सक्रियतामा अरनिको राजमार्ग पुनः सञ्चालनमा आएको छ । असोज ११ र १२ गतेको वर्षाको कारणले गर्दा चीनसँग जोड्ने अरनिको राजमार्ग अन्तर्गतको ल्यार्चा खोलाको बेलिब्रिज बगाएपछि अबरुद्ध बनेको सडक आज हिमपाइप राखेर सञ्चालनमा ल्याइएको हो । राजधानी काठमाडौंलाई चीनसंग जोड्ने यो महत्वपूर्ण सडकमा आजैबाट सामान बोक्ने कन्टेरहरु सञ्चालन हुने जानकारी गराइएको छ।

पूर्वमन्त्री बस्नेतको अग्रसरतामा भोटेकोसी गाउँपालिका र सडक डिभिजनको प्रयासमा लार्चामा हिमपाइप राख्ने काम सम्पन्न भई अस्थायी रुपमा सवारी आवत जावत भएको भोटेकोसी गाउँपालिका अध्यक्ष पासाङ नोर्बु शेर्पाले जानकारी गराउनुभयो । सडक सञ्चालनका लागि उद्योग बाणिज्य संघ सिन्धुपाल्चोकका अध्यक्ष बुद्धराज बस्नेत, चीन जोड्ने नाकामा रहेका विभिन्न ट्रान्सपोटहरु, सडक बिभागलगायत सम्बन्धित निकायहरु, स्थानीयहरु समेतको सहयोगले सार्थकता पाएको शेर्पाले बताउनुभयो ।