प्रतिनिधिसभा बैठक अवरुद्ध

काठमाडौं । प्रतिनिधिसभाको बैठक अबरुद्ध भएको छ।

सत्तापक्ष र प्रतिपक्ष सांसदहरुबीच सदनमै आरोप–प्रत्यारोपका क्रममा विपक्षी दलले उठेर बैठकमा अवरोध गरेका हुन् ।

विभिन्न प्रकरणमा संलग्न मन्त्रीहरुको राजीनामा माग गर्दै विपक्षी दलहरुले सदनमा उठेर विरोध जनाएका थिए । उनीहरुले बालकुमारी घटनालगायतका विषयमा सरकारको जवाफ माग गर्दै विरोध जनाएपछि सभामुख देवराज घिमिरेले सहजरुपमा बैठक सञ्चालन गर्न आग्रह गरेका थिए ।

तर विपक्षी दलका सांसदहरुले निरन्तर विरोध जनाएपछि बैठक १५ मिनेटका लागि स्थगित भएको जानकारी गराइएको छ ।