गौरीशंकरको घरदैलो गर्दै राप्रपाका नेता भन्छन्, “जनताको मायाले उत्साह जागेको छ।”

चरिकोट/४ मंसिर, दोलखाको गौरीशंकर गाउँपालिकामा राप्रपाका नेताहरुले घरदैलो गर्ने क्रममा जनताले अत्यधिक माया गरेकाले उत्साह थपेको बताएका छन् । राप्रपाका केन्द्रीय नेता तथा साहायक महामन्त्री बिजय खड्का, पुराना संस्थापक नेता सुन्दरप्रकास खड्का दोलखाको प्रदेश ख का क्षेत्रिय अध्यक्ष कुमार कार्कीको नेतृत्वमा घरदैलो गरिरहेको राप्रपाले स्थानीय जनताले माया देखाउँदा राप्रपा प्रतिको आस्था बढिरहेको र आफ्नो उम्मेद्धार मनकुमारी श्रेष्ठलाई निर्बाचनमा बिजय गराउने बिश्वास ब्यक्त गर्नुभयाे। राप्रपाका दोलखा प्रदेश ख का क्षेत्रीय अध्यक्ष कुमार कार्कीले एमाले कांग्रेस र माओबादीको रबैयाबाट नागरिकहरु आजित भएकाले राप्रपा जित नजिक रहेको बताउनुभयाे। अहिले राप्रपाका केन्द्रीय नेता तथा स्थानीय नेता तथा कार्यक्रता गौरीशंकर गाउँपालिका वडा नम्बर ५ सुरीको तिनेखुमा घरदैलो गरिरहेका छन् । कांग्रेस बाट बिजयी भएका उपाध्यक्ष श्यामसुन्दर तमाङको निधनपछि आगामी मंसिर १६ गते गाउँपालिकाकाे उपाध्यक्ष पदका लागि यहाँ निर्बाचन हुँदै छ । कांग्रेस,एमाले, माओबादी, समाजबादी र स्वतन्त्र पार्टी सहित स्वतन्त्र उम्मेद्वार सहित १६ जनाले उम्मेद्धारी दर्ता गराएका छन् ।