शून्य अवस्थाबाट मन्त्रालय सञ्चालन गर्दै मन्त्री महावीर पुन, विज्ञान तथा नवप्रवर्तन ऐन ल्याउने तयारी

sasmita pathak २०८३ जेष्ठ २८, बिहीबार , प्रकाशित राजनीति | समाचार

काठमाडौँ । विज्ञान, प्रविधि तथा नवप्रवर्तन मन्त्री महावीर पुन ले मन्त्रालयको काम शून्य अवस्थाबाट सुरु गर्नुपर्ने अवस्था रहेको बताएका छन्। मन्त्रालय अन्य मन्त्रालयजस्तो पूर्वतयारी अवस्थामा नरहेको उल्लेख गर्दै उनले आवश्यक संरचना र कार्यप्रणाली नयाँ ढंगले निर्माण गर्नुपर्ने आवश्यकता औँल्याए।

मन्त्री पुनले पदभार ग्रहण गरेको पहिलो दिनमै विज्ञान, प्रविधि तथा नवप्रवर्तनसम्बन्धी ऐन निर्माणका लागि विधेयक तयार गर्ने निर्णय गरिएको जानकारी दिए। उनले मन्त्रालय सञ्चालनका लागि आवश्यक कर्मचारी संख्या, दरबन्दी तथा कार्यक्षेत्र निर्धारण गर्न संगठन तथा व्यवस्थापन (ओ एन्ड एम) सर्वेक्षण गर्ने निर्णयसमेत गरिएको बताए।

त्यसैगरी, विभिन्न मन्त्रालयअन्तर्गत छरिएर रहेका अनुसन्धान, विज्ञान तथा नवप्रवर्तनसम्बन्धी कार्यक्रम र गतिविधिलाई एकीकृत तथा प्रभावकारी रूपमा अघि बढाउने विषयमा तत्काल गहन छलफल सुरु गर्ने निर्णय गरिएको मन्त्री पुनले उल्लेख गरे।

नवनिर्मित मन्त्रालयलाई प्रभावकारी र परिणाममुखी बनाउने लक्ष्यका साथ आवश्यक कानुनी, प्रशासनिक तथा संस्थागत आधार तयार गर्न मन्त्रालयले प्राथमिकता दिएको मन्त्री पुनको भनाइ छ।

मुग्लान न्युजमा प्रकाशित कुनै समाचारमा तपाईंको गुनासो भए हामीलाई muglannews02@gmail.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने muglannews02@gmail.com मा सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।