काठमाडौं/११ कार्तिक,नेपाल साफ वुमन्स च्याम्पियनसिपको फाइनलमा प्रवेश गरेको छ ।
आज राति सम्पन्न सेमिफाइनल खेलमा भारतलाई पेनाल्टी सुटआउटमा हराउँदै नेपाल फाइनलमा प्रवेश गरेको हो।
निर्धारित समयमा १–१ को बराबरीमा सकिएपछी खेल पेनाल्टी सुटआउटमा धकेलिएको थियो ।
पेनाल्टीमा नेपाली गोल रक्षकले भारतका दुई खेलाडीको प्रहार रोकिन् । नेपालबाट प्रहार गरेका ४ खेलाडीले गोल गर्दै जीत निकालेका हुन् ।
खेलमा मध्यान्तर अघि दुबैले बराबरी खेलेका थिए भने मध्यान्तरपछि भारतले खेलको ७१औं मिनेटमा गोल गर्दै अग्रता लिएको थियो । त्यसलगत्तै नेपालले पनि गोल गरी खेल १–१ को बराबरीमा ल्याएको थियो ।
नेपालकी प्रीति राईले गरेको गोललाई सुरुमा रेफ्रिले मान्यता दिएपनि भारतले प्रोटेष्ट गरेपछि उक्त गोलले मान्यता पाएको थिएन ।त्यसपछि खेल रोकिएको थियो । रोकिएको १ घन्टापछि खेल सुरु भएको थियो । खेल सुरु भएको एक मिनेट भित्रै नेपालीकी सावित्रा भण्डारी शाम्बाले बराबरी गोल फर्काएकी थिइन् । बराबरी भएपछि खेल पेनाल्टी सुटआउटतर्फ अघि बढेको थियो ।
खेलको ५१औं मिनेटमा रेखा पौडेल दोहोरो पहिलो कार्ड खाँदै बाहिरिएसँगै नेपाल १० खेलाडीमा सीमित भएको थियो । तर पनि आज नेपालले उत्कृष्ठ प्रदर्शन गर्यो । नेपालकी शाम्बा प्लेयर अफ द म्याच घोषित भइन् ।
नेपालले अब उपाधिका लागि बंगलादेशसंग खेल्नेछ । यसअघि आजै सम्पन्न खेलमा भूटानलाई ७–१ ले हराउँदै साबिक विजेता बंगलादेश फाइनलमा प्रवेश गरेको थियो ।
मुग्लान न्युजमा प्रकाशित कुनै समाचारमा तपाईंको गुनासो भए हामीलाई muglannews02@gmail.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने muglannews02@gmail.com मा सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
धेरै पढिएका खबर
- १ स्पेनलाई रोक्दै केप भेर्डेको ऐतिहासिक सफलता, गोलरक्षक भोजिन्हाको भावुक प्रतिक्रिया
- २ पूर्व राष्ट्रिय गोलकिपर विशाल श्रेष्ठ राखेप उपाध्यक्ष नियुक्त
- ३ सिन्धु त्रिवेणीघाटको सम्भावना
- ४ फिफा विश्वकप २०२६ आजदेखि सुरु हुँदै
- ५ इरानद्वारा होर्मुज जलमार्ग बन्द गर्ने घोषणा, अमेरिका–इरान तनाव थप चर्कियो
- ६ परराष्ट्रमन्त्री शिशिर खनाल आज चीन भ्रमणमा प्रस्थान गर्दै
- ७ प्रतिनिधिसभाको बैठक आज बस्दै, बजेटमाथि सामान्य छलफल सुरु हुने

तपाईको प्रतिक्रिया दिनुहोस