बिपी राजमार्गमा बस दुर्घटना : काभ्रेपलाञ्चोकमा ७ जनाको मृत्यु, १५ घाइते

काठमाडौं । बिपी राजमार्गअन्तर्गत काभ्रेपलाञ्चोकको नमोबुद्ध नगरपालिका–२, बुच्चाकोटमा यात्रुवाहक बस दुर्घटना हुँदा सात जनाको मृत्यु भएको छ। दुर्घटनामा १५ जना घाइते भएका छन्।

प्रहरीका अनुसार बनेपाबाट रोशी गाउँपालिकाको खार्पाचोक हुँदै सुँगुरेतर्फ जाँदै गरेको बा ३ ख ८३९८ नम्बरको बस बुच्चाकोट क्षेत्रमा सडकबाट तल खसेर दुर्घटनामा परेको हो।

दुर्घटनापछि घाइतेहरूको उद्धार गरी उपचारका लागि नजिकका अस्पतालमा पठाइएको प्रहरीले जनाएको छ। दुर्घटनाको कारण र मृतक तथा घाइतेहरूको पहिचान खुल्ने क्रम जारी रहेको प्रहरीले बताएको छ।

घटनाबारे थप विवरण आउन बाँकी छ।