सिन्धुपाल्चोकमा बाढी पाँचपोखरी थाङपाल गाउँपालिका सडक यातायातबाट बञ्चित, बाह्रबिसेको बेलिबृज बगायो

सिन्धुपाल्चाेक । गए रातिको अविरल वर्षाले सिन्धुपाल्चोक जिल्लाको विभिन्न नदि तटिय क्षेत्रमा क्षति पुर्याएको छ । मानविय क्षति भने भएको छैन ।

भारी वर्षाका कारण आएको बाढीले एउटा झोलुङ्गे पुल र एउटा बेलीब्रिज बगाएको छ । बाढीले नदी तटिय क्षेत्रका सडक, गोरेटो बाटो, खेत, तटबन्ध र घाटहरू समते बगाएको छ ।

जिल्लाको पाँचपोखरी थाङपाल गाउँपालिका सडक सञ्जालबाट टुटेको छ भने विजुली बत्तीको लाइन पनि विच्छेद भएको छ ।

बाढीले पाँचपोखरी थाङ्पाल गाउँपालिका ६ चिन्डेमा रहेको झोलुङ्गे पुल बगाएको छ । पालिकाको १ नं। वडा जोड्ने जतन गाउँ जाने पुल बगाएको हो ।

यसैगरी तिपेनी मेलम्ची सडक खण्डको बाटोमा पनि बाढीले क्षती पुर्याएको छ । स्थानियले पालिका जोड्ने सडक पुर्ण रुपमा बन्द भएको बताए ।

सोमबार विहान बाह्रविसे नगरपालिका ३ खागदल ठाडो खोलामा आएको बाढीले बाह्रबिसे– तातोपानी सडक खण्डको मोटरेबल पुल (बेलि ब्रिज) बगाएको छ ।