Techie IT
  • The Film Nepal
  • २०८३ असार २ मंगलवार

    अपडेट
    गृहपृष्ठराजनीतिसिन्धुपाल्चोकबाट विशेष महाधिवेशनमा एक दर्जन मात्र महाधिवेशन प्रतिनिधि सहभागी हुने

    सिन्धुपाल्चोकबाट विशेष महाधिवेशनमा एक दर्जन मात्र महाधिवेशन प्रतिनिधि सहभागी हुने


    काठमाडौं – नेपाली काँग्रेस सिन्धुपाल्चोकबाट विशेष महाधिवेशनमा एक दर्जन बढी महाधिवेशन प्रतिनिधि सहभागी हुने भएका छन् । कांग्रेसका नेता एवम् पूर्वमन्त्री मोहनबहादुर बस्नेतको गृहजिल्लासमेत रहेको यो जिल्लाबाट ५४ जना महाधविवेशन प्रतिनिधिमध्ये १४ जना सहभागी हुने भएका छन् । यसमा १/२ जना घटबढ हुन सक्ने स्रोतले बताएको छ ।

    नियमित महाधिवेशनको दबाब दिन भन्दै हस्ताक्षर गरेका सिन्धुपाल्चोकका प्रतिनिधिहरूले विशेष महाधिवेशन हुने र पार्टी विभाजन हुने भएपछि हस्ताक्षर गरेपनि महाधिवेशनमा सहभागी नहुने बताएका छन् ।

    ‘पहिला काँग्रेस केन्द्रीय समितिले नै विशेष महाधिवेशन गर्ने र त्यसको दबाबका लागि हस्ताक्षर गरेको भनेर गराएका थिए, एक महाधिवेशन प्रतिनिधिले भने, ‘अहिले महामन्त्रीहरूले महाधिवेशन बोलाउनुभयो पार्टी दुई चिरा हुने भयो । पार्ट फुटाउन हामी जाँदैनौं ।’

    क्षेत्र नम्बर १ बाट ५ जना र २ बाट ९ जना विशेषमा सहभागी हुनेछन् । क्षेत्र नम्बर १ बाट पार्टी वागमती प्रदेशका सहमहामन्त्री हरिशरण श्रेष्ठ, जिल्ला सभापति जंग बहादुर लामा,  लिला नेपाल, बल्देव तिमल्सिना र युधिर पौडेल सहभागी हुने स्रोतले बताएको छ । तिमल्सिना बाहेक अन्य चार जना १४औं महाधिवेशनमा केन्द्रीय सदस्य मोहन बहादुर बस्नेतको टिममा परेर महाधिवेशन प्रतिनिधि र महासिमित सदस्य बनेका थिए । तिमल्सना भने जिल्लामा महाधिवेशन पराजित भएपछि केन्द्रबाट नेविसंघको कोटाबाट महाधिवेशन प्रतिनिधि भएका थिए ।

    श्रेष्ठले जहाँ रुख र चारतारा रहन्छ त्यही रहने बताएका छन् । ‘पार्टी फुट्नुहुँदैन भन्ने मेरो माग हो’, उनले भने, ‘जहाँ रुख र चार तारा रहन्छ म त्यही हुन्छु ।’

    यस्तै २ नम्बर क्षेत्रबाट वंशलाल तामाङ, शिव सुनार, गोपिनी हमाल, प्रकास गुरुङ, कालिका गोले, सविता गुरुङ जिम्मी लामा र शिवहरि नेपाल सहभागी हुनेछन् । जिम्मी लामाले अहिले सो क्षेत्रबाट क्रियाशीले रिन्युसमेत गरेका छैनन् ।

    यसअघि विशेषको पक्षमा हस्ताक्षर गरेका ६ जनाले शनिबार हस्ताक्षर फिर्ता लिइसकेका छन् । हस्ताक्षर फिर्ता लिनेमा भोला बोहोरा, श्री लामा, कविता गुरुङ, सानुमाया हिमालय, लक्ष्मी सुनार र रेनुका श्रेष्ठ रहेका छन् ।  विशेष महाधिवेशन पक्षधरले केन्द्रीय सदस्य बन्नुहुन्छ आउनुस् भनेर विभिन्न प्रलोभन देखाएको महाधिवेशन प्रतिनिधिहरूले गुनासो गरेका छन् ।

    महामन्त्रीद्वय गगन थापा र विश्वप्रकाश शर्माले आज र भोलि काठमाडौंको भृकुटीमण्डपमा विशेष महाधिवेशन आयोजना गरेका छन् । यो विशेष महाधिवेशनबाट निति र नेतृत्व परिवर्तन गर्ने उनीहरूले बताएका छन् । सभापति शेरबहादुर देउवा र केन्द्रीय समितिको निर्णविपीत विशेष भेला आयोजना गरिएको हो ।




    मुग्लान न्युजमा प्रकाशित कुनै समाचारमा तपाईंको गुनासो भए हामीलाई muglannews02@gmail.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने muglannews02@gmail.com मा सम्पर्क गर्न सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।



    तपाईको प्रतिक्रिया दिनुहोस


    थप समाचार

    देशका विभिन्न क्षेत्रमा वर्षा र हिमपातको सम्भावना, तराईका केही जिल्लामा…

    काठमाडौं । हाल नेपालमा उपल्लो वायुमण्डलमा रहेको पश्चिमी न्यून चापीय रेखा, स्थानीय वायु तथा पूर्वीय वायुको आंशिक प्रभाव कायम रहेको

    काठमाडौँ महानगरको नीति तथा कार्यक्रम सर्वसम्मत पारित, असार ४ मा…

    काठमाडौँ । काठमाडौँ महानगरपालिकाको आगामी आर्थिक वर्ष २०८३/०८४ का लागि प्रस्तावित नीति तथा कार्यक्रम नगर सभाबाट ध्वनि मतका साथ पारित

    भ्रामक एसएमएसबाट सावधान रहन नेपाल टेलिकमको आग्रह, शंकास्पद लिंकमा क्लिक…

    काठमाडौं । नेपाल टेलिकमले आफ्नो एसएमएस सेवाको दुरुपयोग गरी कनेक्ट आइपिएस् लगायत विभिन्न बैंक तथा डिजिटल भुक्तानी सेवाको नाममा भ्रामक

    युवाको सपना नेपालमै पूरा हुने वातावरण बनाउन बजेटमार्फत सुरुवात :…

    काठमाडौं । अर्थमन्त्री डा. स्वर्णिम वाग्लेले युवाहरूले आफ्नो भविष्य निर्माण र सपना पूरा गर्न विदेशिनुपर्ने बाध्यताको अन्त्य गर्ने दिशामा सरकारले

    प्रतिनिधिसभामा असार १ र २ गते मन्त्रालयगत बजेटमाथि छलफल, मन्त्रीले…

    काठमाडौं । प्रतिनिधिसभामा विनियोजन विधेयक, २०८३ अन्तर्गत विभिन्न मन्त्रालयको बजेट शीर्षकमाथि आगामी असार १ र २ गते छलफल हुने भएको

    २४ घण्टामा काठमाडौंमा २,४०८ चालक कारबाहीमा

    काठमाडौँ । काठमाडौँ उपत्यकामा पछिल्लो २४ घण्टामा सवारी नियम उल्लङ्घन गर्ने दुई हजार ४०८ जना सवारी चालक ट्राफिक कारबाहीमा परेका छन्।

    Techie IT