रवि लामिछानेले भारतीय प्रधानमन्त्री नरेन्द्र मोदीसँग भेट गर्ने

काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेले आज भारतीय प्रधानमन्त्री नरेन्द्र मोदीसँग भेटवार्ता गर्ने भएका छन् ।भारत भ्रमणको तेस्रो दिन लामिछानेले प्रधानमन्त्री मोदीसँग औपचारिक भेट गर्न लागेका हुन् ।

यसअघि मंगलबार उनले भारतीय जनता पार्टी (भाजपा)का अध्यक्ष नीतिन नवीनसँग नयाँ दिल्लीस्थित पार्टी कार्यालयमा भेटवार्ता गरेका थिए ।भेटमा राजनीतिमा जेन–जी पुस्ताको बढ्दो भूमिका, लोकतान्त्रिक सहभागिता, सार्वजनिक बहस तथा भविष्यको नेतृत्व विकासलगायत विषयमा छलफल भएको बताइएको छ ।

भाजपा नेतृत्वले लामिछानेलाई रेड कार्पेटसहित भव्य स्वागत गरेको थियो । पाँच दिने भारत भ्रमणका क्रममा लामिछानेसहित उनकी श्रीमती निकिता पौडेल, सहमहामन्त्री तथा प्रतिनिधिसभा सदस्य विपिनकुमार आचार्य, सचिवालय सदस्य एवं प्रतिनिधिसभा सदस्य दीपक बोहोरा र अविनाश आचार्य सोमबार भारत पुगेका हुन् ।