सबै पार्टीका नेताले विकासमा प्रतिस्पर्धा गर्ने हाे भने सिन्धुपाल्चोककाे विकास हुन्छ – पूर्वमन्त्री बस्नेत

सिन्धुपाल्चोक/ ७ भदाै, नेपाली कांग्रेसका केन्द्रीय सदस्य तथा पूर्वमन्त्री माेहनबहादुर बस्नेतले सबै पार्टीका नेताले विकासमा प्रतिस्पर्धा गर्ने हाे भने सिन्धुपाल्चोककाे विकास हुन्छ भन्ने बताउनुभएको छ। जिल्ला समन्वय समिति सिन्धुपाल्चोकले विहिबार यहाँ आयाेजना गरेको आर्थिक वर्ष २०८०/०८१ काे विकास निर्माण सम्बन्धि वार्षिक समिक्षामा मन्तव्य राख्नुहुँदै उहाँले कांग्रेस, एमाले, माओवादीलगायत राजनीतिक दलका धेरै नेताहरु रहेको सिन्धुपाल्चोकमा फरकफरक याेजनमा बजेट ल्याएर काम गर्न सके जिल्ला विकास चाँडै हुने बताउनुभएको हाे ।
“जिल्ला समन्वय समितिमा विकास बजेट हुँदैन, संघीय सरकार र प्रदेश सरकारसंग समन्वय गर्ने नै हाे, मैले एउटा निर्वाचन क्षेत्रबाट जितेको भएपनि यहाँका दुवै क्षेत्रका काम गर्नुपर्छ, शिक्षा हाेस् या स्वास्थ्य क्षेत्र हाेस्, अथवा अन्य विकासका काम हाेस्, सबैमा मैले काम गर्दै आएकाे छु, अब पनि गर्छु।” उहाँले भन्नुभयो ।
उहाँले शिक्षा र स्वास्थ्यमा अगाडि रहेका ठाउँकाे विकास छिटो हुने भन्दै अरु जनप्रतिनिधिहरुलाई पनि शिक्षा र स्वास्थ्यमा बढि जाेड दिन आग्रह गर्नुभयाे । उहाँले आफू स्वास्थ्य मन्त्री हुँदा देश र सिन्धुपाल्चोकका लागि समेत धेरै महत्त्वपूर्ण निर्णय गरेको बताउनुभयाे ।
कार्यक्रममा बागमती प्रदेशका पूर्वमन्त्री मसिना खड्का, जिल्ला समन्वय समिति सिन्धुपाल्चोकका प्रमुख बालकृष्ण श्रेष्ठलगायतले मन्तव्य राख्नुभएको थियाे ।