पञ्चमहालक्ष्मी मन्दिर परिसर (श्रीवन धाम) मा सञ्चालित श्रीमद्भागवद् पितृमुक्ति महायज्ञ–२०८३ समापन
मुना न्यौपाने काठमाडौँ । भक्तपुरको चाँगुनारायण नगरपालिका वडा नं. ५ स्थित श्री पञ्चमहालक्ष्मी मन्दिर परिसर (श्रीवन धाम) मा सञ्चालित श्रीमद्भागवद् पितृमुक्ति महायज्ञ–२०८३ आजदेखि समापन हुँदैछ । पितृहरूको मोक्ष र शान्तिको कामना गर्दै आयोजना गरिएको यस महायज्ञमा हजारौँ भक्तजनहरूले सहभागी भई पितृ तर्पण र पूजा अर्चना गरेका थिए।
अनन्त श्रीविभूषित मुक्तिनाथपीठाधीश्वर स्वामी कमलनयनाचार्य श्रीजी महाराज (मुक्तिनाथ बाबाज्यू)को सत्संकल्पमा आयोजित महायज्ञमा स्वामी कमलनयनाचार्यज्यूको उपस्थितिमा पूर्णाहुति र महाप्रसाद वितरणसँगै महायज्ञ सफलतापूर्वक सम्पन्न भएको श्री महायज्ञ सम्पादन मूल समितिले जनाएको छ ।

यसैबीच, काठमाडौँको शङ्खरापुर नगरपालिका वडा नं. ५, ईटाखेल मा नयाँ वर्षको सुरुवातसँगै सुरु भएको ‘श्री नेपालआमा राष्ट्रिय महायज्ञ–२०८३’ भव्य रूपमा सञ्चालन भइरहेको छ। वैशाख १ गतेदेखि सुरु भएको यो महायज्ञ आगामी वैशाख १५ गतेसम्म चल्नेछ।

राष्ट्रिय भावना जागृत गराउने र मुलुकको समग्र कल्याणको लक्ष्य राखिएको यस महायज्ञमा दैनिक रूपमा आध्यात्मिक प्रवचन, हवन र भजन कीर्तन भइरहेका छन्। महायज्ञमा काठमाडौँ उपत्यका लगायत आसपासका क्षेत्रबाट दर्शनार्थीहरूको ठूलो घुइँचो लाग्ने गरेको छ। दिवङ्गत जिवात्माहरुको भगवतधाम प्राप्तीको लागि कामना गर्दै श्री नेपालआमा एवं देवपिृतको प्रसन्नताद्वारा राष्ट्रशान्ति र सुसमृद्धिको कामनासहित जल, प्रकृति, पर्यावरण र समस्त प्राणी मात्रको कल्याणको लागि महाज्ञत आयोजना गरिएको महायज्ञ संयोजक श्रीमती दयालक्ष्मी कटुवालले बताइन् ।
मुग्लान न्युजमा प्रकाशित कुनै समाचारमा तपाईंको गुनासो भए हामीलाई muglannews02@gmail.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने muglannews02@gmail.com मा सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
धेरै पढिएका खबर
- १ सुकम्बासी बस्तीमा डोजर चले प्रतिकार गर्न तयार रहेको सुकुम्बासी संघको चेतावनी
- २ सिन्धु त्रिवेणीघाटको सम्भावना
- ३ वैशाख १५ देखि काठमाडौंका सबै विद्यालय नियमित सञ्चालन हुने
- ४ आज बीसौँ लोकतन्त्र दिवस मनाइँदै
- ५ नेपाल राष्ट्र बैंकद्वारा आजको विदेशी मुद्राको विनिमयदर सार्वजनिक
- ६ गाउँ फर्किने सपना देखाउने फिल्म ‘पहाड’
- ७ दक्षिणपूर्वी एसियाबाट ६१२ नेपालीको उद्धार, थप ५३ जनालाई ल्याउने तयारी

तपाईको प्रतिक्रिया दिनुहोस