दुई महिनाभित्र बज्रबाराही अस्पतालमा सुधार गर्न मन्त्री थापाको निर्देशन

गाेदावरी/ २२ भदौ: बागमती प्रदेश सरकारका स्वास्थ्यमन्त्री किरण थापा मगरले शुक्रबार गोदावरी नगरपालिका–११ स्थित बज्रबाराही अस्पताल अनुगमन अस्पतालमा देखिएका कमीकमजोरी दुई महिनाभित्र सुधार गर्न निर्देशन दिनुभएको छ ।
प्रदेश माताहातमा रहेकाे जिल्ला अस्पतालकाे १५ शैयासहितकाे बज्रबाराही अस्पतालमा सेवग्राहीहरुबाट गुनासो आएपछि अनुगमन गरिएको मन्त्री थापामगरले जानकारी गराउनुभयाे ।
“अनुगमनका क्रममा आकस्मिक उपचार कक्षमा जाने बाटाेमा समस्या रहेकाे, कर्मचारी अस्पतालमा समयमा आउने नगरेको, कार्यालय समयमा कर्मचारीहरु अस्पतालमा नबस्ने गरेकाे, ल्याब र स्टाेरहरु व्यस्थित नभएको, अस्पतालमा ताेकिए अनुसारकाे ओैषधि नराखिएको पाइयाे, कर्मचारीहरु पनि उपस्थित नभएको पाइयाे । जिम्मेवारीमा रहेका डाक्टरहरु पनि समयमा आउने नगरेकाे पाइयाे, अस्पताल व्यवस्था पक्षले अनुगमनमा भेटिएका त्रुटि <span;>दुई महिनाभित्र सुधार्ने प्रतिवद्धता जनाउनुभएकाे छ ।  प्रतिवद्धता अनुसार दुई महिनाभित्र सुधार गरि सेवालाई प्रभावकारी बनाउने काम कार्यान्वयन भएन भने कारवाही हुने जानकारी गराएका छाैं।” उहाँले भन्नुभयो ।

अनुगमनका क्रममा मन्त्री थापामगरले दाेहाेर्याएर अनुगमन गर्दा वा सेवा ग्राहीबाट गुनासो आएमा गैरजिम्मेवार डाक्टर तथा कर्मचारीलाई तत्कालै कारवाहीमा जाने जानकारी गराएकाे बताउनुभयो ।
ओैषधि भण्डारण कक्षकाे अनुगमनका क्रममा युवा तथा खेलकुद मन्त्री मीनकृष्ण महर्जनले याे ओैषधि राख्ने स्टाेर हाे कि फाेहाेर डम्पिङ साइड हाे भन्दै प्रश्न गर्नुभएको थियाे ।

केही हप्ता अगाडि मात्रै उपचारका लागि उक्त अस्पतालमा जानुभएका काेञ्ज्याेसाेम गाउँपालिकाका अध्यक्ष कृष्णमान लामाले अस्पताल प्रशासनले सेवाग्राहीकाे सुविधालाई बेवास्ता गरेकाे बताउनुभयो । बज्रबाराही अस्पतालले उपचारमा पनि सहजीकरण नगरेको, नि:शुल्क पाउनुपर्ने ओैषधि उपलब्ध नगराएकाे ओैषधि खरिद गर्दा पनि म्याद सकिन दुई महिना मात्रै बाँकी रहेका ओैषधि खरिद गरि खेर फाल्ने गरेकाे लगायतका गुनासाे सेवाग्राहीहरुले गर्दै आउनुभएको छ । अनुगमनका लागि शुक्रबार विहान १० बजे अस्पतालमा पुगेको टाेलीले करिब ३ घण्टा लगाएर अस्पतालकाे अनुगमन गरी सुधारका लागि निर्देशन दिएकाे मन्त्रालयका प्रवक्ता डाक्टर खगेश्वर गेलालले जानकारी दिनुभयो ।