(एसईई) २०८० को नतिजा सार्वजनिक

मुग्लान न्युज २०८१ असार १३, बिहीबार , प्रकाशित समाचार | स्वास्थ्य

काठमाडौं । राष्ट्रिय परीक्षा बोर्डले माध्यमिक शिक्षा परीक्षा (एसईई) २०८० को नतिजा सार्वजनिक गरेको छ । बिहीबार पत्रकार सम्मेलनमार्फत बोर्डले यस्तो नतिजा सार्वजनिक गरेको हो । उक्त नतिजा अनुसार, सबैभन्दा धेरै ७८ हजार ८७४ परीक्षार्थी जीपीए २.८० देखि ३.२० ल्याएर उत्तीर्ण हुन सफल भएका छन् ।

त्यस्तै, परीक्षामा सहभागी चार लाख ६४ हजार ७८५ मध्ये जीपीए ३.६० देखि ४ सम्म ल्याउने परीक्षार्थीको संख्या ३१ हजार २०९ रहेको जनाइएको छ । जीपीए २.४० देखि २.८० सम्म ल्याउने परीक्षार्थी ४१ हजार १७७ छन् । त्यस्सैगरी, ३.२० देखि ३.६० सम्म जीपीएसहित ६८ हजार २५६ र जीपीए २.८० देखि ३.२० ल्याएर ७८ हजार ८७४ परीक्षार्थी उत्तीर्ण भएका छन् ।

दुई हजार ९५० परीक्षार्थीले जीपीए २.० देखि २.४० ल्याएका छन् भने ६ परीक्षार्थीले जीपीए १.६ देखि २ सम्म ल्याएका छन् ।

बोर्डका अध्यक्ष महाश्रम शर्माका अनुसार दुई लाख ४२ हजार ३१३ परीक्षार्थी ‘नन ग्रेडेड’मा परेको जनाइएको छ । उनले एक वा दुई विषयमा ग्रेड नल्याएका एक लाख १५ हजार ८३४ जना परीक्षार्थीले आउँदो साउन १८ र १९ गते मौका परीक्षा दिन पाउने जानकारी दिए ।

मुग्लान न्युजमा प्रकाशित कुनै समाचारमा तपाईंको गुनासो भए हामीलाई muglannews02@gmail.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने muglannews02@gmail.com मा सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।