“जेष्ठ नागरिकलाई नि:शुल्क ओैषधि बितरण र सुत्केरी महिलाहरुलाई पोषण वितरण गर्नेछौँ”

ललितपुर/ २२ फागुन, ललितपुरको गोदवरी नगरपालिका वडा नं ३ का अध्यक्ष सानुराज घिमिरे (राज)ले  वडाको व्यवस्थापनमा निकट भविष्यमा नै जेष्ठ नागरिकलाई नि:शुल्क ओैषधि बितरण र सुत्केरी महिलाहरुलाई पोषण वितरण गर्ने बताउनुभएको छ।
वडा कार्यालयसंगको समन्वयमा गोदावरी स्वास्थ्य चौकीमा बुधबार भएको नसर्ने रोगको निःशुल्क स्क्रिनिङ्ग सेवा सुरुवातको अवसरमा शुभकामना मन्तव्य राख्दै अध्यक्ष घिमिरेले स्वास्थ चौकीको सहजीकरणमा अन्य वडाहरुमा भन्दा प्रभावकारी सेवा प्रदान गर्न ध्यानपूर्वक लागिपर्ने बताउनुभएको हो ।
“धेरै वडामा हामीले जसरी काम गर्न सकेको अवस्था छैन, तपाईहरुकै सहयोगले मैले प्रभावकारी काम गर्ने अवसर पाएको छु,  म कुरा भन्दापनि काम गर्न चाहान्छु।” घिमिरेले भन्नुभयो ।
बुधबार भएको नसर्ने रोगको स्क्रिनिङ्गमा वडाका १ सय ३० जना सेवाग्राहीहरुले सेवा लिनुभएको जानकारी गराइएको छ।