कञ्चनपुरको समृद्धिका लागि मोवाइल चिन्हमा मतदान गर्न आजपा उम्मेदवार सीताको अपिल

कञ्चनपुर, १५ फागुन
आम जनता पार्टी (आजपा)का नेतृ एवं कञ्चनपुर–१ का उम्मेदवार सीता विकले चुनावी भेटघाट, छलफल एवं घरदैलो कार्यक्रमलाई तिब्रता दिएकी छन् । कञ्चनपुर सहित समग्र सुदुरपश्चिमको विकास र समृद्धिका लागि यसपटक मोबाइल छापमा मतदान गर्न उनले अपिल गरेकी छन् ।

सुदुरपश्चिम प्रदेशको कञ्चनपुर जिल्लाको ३ वटै क्षेत्रमा आजपाका उम्मेदवारहरुले चुनावी भेटघाट एवं छलफललाई तिब्रता दिएका छन् । कञ्चनपुर सहित सुदुपश्चिम प्रदेशको समृद्धि एवं विकासका लागि मोवाइल चिन्हमा मतदान गर्नुपर्ने अपिल उनीहरुले आम जनतासंग गरेका छन् ।

कञ्चनपुर–१ का उम्मेदवार सीता विक, कञ्चनपुर–२ का उम्मेदवार जग्गु चौधरी र कञ्चनपुर–३ का उम्मेदवार लक्ष्मी कुमारी विष्ट भट्ट चुनावी भेटघाट एवं छलफलाई तिब्रता दिएका छन् । कञ्चनपुर सहित सुदुरपश्चिम प्रदेशलाई समृद्ध बनाउने प्रतिबद्धता व्यक्त गर्दै उनीहरुले आम मतदातासंग भेटघाट, छलफल गरिरहेको आजपा नेता विक्रम बमले जनाएका छन् ।

समग्र सुदुरपश्चिमको विकासका लागि मोवाइल चुनाव चिन्हबाट उम्मेदवारी दिएका उम्मेदवारलाई २१ फागुनको निर्वाचनमा मतदान गरेर बिजयी बनाउन बमले आग्रह गरेका छन् ।

‘कञ्चनपुर सहित समग्र सुदुरपश्चिमको विकासका लागि मैले आम जनता पार्टीको मोवाइल चुनाव चिन्हबाट उम्मेदवारी दिएको छु । विकसित र समृद्ध सुदुरपश्चिम बनाउने मेरो एजेण्डा छ । अरु नेताहरु कहाँबाट आए कहाँ गए । यहाँको जनताको भोट लिन्छन तर काम गर्दैनन । तर हामीले हाम्रो कञ्चनपुर, हाम्रो सदुरपश्चिमको विकासका लागि काम गर्ने प्रतिबद्धता व्यक्त गरेका छौं । आम जनता पार्टीले सुदुरपश्चिमको विकास गर्छ त्यसका लागि हामी सबैले मोवाइल चिन्हमा मतदान गर्नुपर्छ,’ कञ्चनपुर–२ का उम्मेदवार जग्गु चौधरीले भने ।

कञ्चनपुर जिल्लाको ३ वटै क्षेत्रबा उम्मेदवारी दिएका उम्मेदवारले आफू बिजयी भए र आजपाको सरकार बनेपछि सुदुरपश्चिममै बिजुलीबती, खानेपानी, सिँचाई, शिक्षा, स्वास्थ्य लगायतका सेवा सुविधा निशुल्क बनाउने एजेण्डा पार्टीको रहेको जनाएका छन् । छोराछोरी, बृद्ध बाआमालाई विशेष सुविधा र युवाहरुलाई सुदुरपश्चिममै रोजगारको व्यवस्था गर्ने पहिलो जिम्मेवारी रहेको कञ्चनपुर–३ का उम्मेदवार लक्ष्मी कुमारी विष्ट भट्टले जनाएकी छन् ।

‘हाम्रो पार्टीका अध्यक्ष प्रभु साहको पत्नी रिना साह रौतहटको मौलापुरमा मेयर हुनुहुन्छ । मौलापुरमा कुनै किसिमको सेवाको कर लाग्दैन, सबै फ्रि छ । खानेपानी, शिक्षा, स्वास्थ्य, बिजुलीबती, खानेपानी, सिँचाई सबै फ्रि छ । छोरीलाई गुणस्तरीय शिक्षा, विवाहमा ३० हजार नगद सहयोग हुन्छ । मौलापुरमा नगरप्रहरी होइन, त्यहाँ नगर शिक्षक र नगर डाक्टर छ । हामीले यो सबै सेवा सुविधा कञ्चनपुर सहित सुदुरपश्चिममा लागु गराउनका लागि मोवाइल छापमा मतदान गर्नुपर्छ,’ कञ्चनपुर–१ का उम्मेदवार सीता विकले भनिन् ।

कञ्चनपुर जिल्लाको समग्र विकाश सहित धार्मिक, सांस्कृतिक, ऐतिहासिक क्षेत्रको समृद्धि एवं विकासका लागि संघर्ष गर्दै आएको बताउदै चौधरीले यसक्षेत्रको विकासका लागि निरन्तर अग्रपंक्तिमा रहेर काम गर्ने बताए ।

‘अब की बार आजपा सरकार’ भन्दै चौधरीले दलतन्त्र बिरुद्धको संघर्षलाई सफल बनाउन, जनतालाई देशको मालिक बनाउन र आधुनिक नेपाल निर्माण गर्ने अभियानमा सहभागि हुनका लागि सबैले मोवाईलमा मतदान गर्न अपिल समेत गरेका छन् ।

स्थिरता, सुशासन, बदलाव र विकास, जनउत्तरदायी–लोकतान्त्रिक अभ्यास, सिस्टम सुधार, सुशासनको आधार, दलतन्त्र विरुद्ध आम जनताको सरकार र पहिचान, सम्मान, समृद्धि र श्रेष्ठताका लागि यसपटकको निर्वाचनमा सबै पार्टीमा भएका राम्रा मान्छेहरु एकजुट भएर अगाडी बढनुपर्ने उनले बताए ।