सोह्र श्राद्ध सम्पन्न,भोलीबाट दशै सुरु

काठमाडौँ/ १६ असोज,आज असोज कृष्ण औँसी, पितृ पक्षको अन्तिम दिन हो। असोज २ गतेदेखि सुरु भएको पितृ पक्ष आज विधिवत् रूपमा सम्पन्न हुँदै छ, र भोलिदेखि बडा दसैँको दुर्गा पक्ष सुरु हुनेछ।

सोह्र श्राद्धका १५ तिथि र आश्विन शुक्ल प्रतिपदासम्म दिवङ्गत पितृका नाममा तर्पण, सिदादान र पिण्ड दान गरिन्छ। यदि कुनै कारणले श्राद्ध रोकिएको भए, आज पितृ औँसीको दिन गर्नुपर्छ। अझै पनि गर्न नसकिएमा, शास्त्रीय मान्यता अनुसार आश्विन शुक्ल प्रतिपदादेखि पञ्चमीसम्म श्राद्ध गर्न सकिन्छ।

श्राद्धले पितृऋणबाट मुक्ति मिल्ने विश्वास छ। गोकर्णेश्वर, बेत्रावती, देवघाटजस्ता तीर्थस्थलमा श्रद्धालुहरूको भीड लाग्ने गर्छ।