स्वास्थ्य तथा जनसंख्या वैज्ञानिकहरुको ११ औँ शिखर सम्मेलन काठमाडौँमा

काठमाडौँ।  स्वास्थ्य तथा जनसंख्या वैज्ञानिकहरुको ११ औँ शिखर सम्मेलन बिहीबार देखि काठमाडौँमा सुरु भएको छ । नेपाल स्वास्थ्य अनुसन्धान परिषद्को आयोजनामा उक्त सम्मेलन हुन भएको हो । तीन दिनसम्म चल्ने सम्मेलनमा स्वास्थ्य, जलवायु र जनसंख्यामा परिवर्तन : दिगो र समातामूलक भविष्यका लागि उत्थानशील स्वास्थ्य प्रणाली भन्ने विषयमा बहस र छलफल गरिएको छ।सोल्टी होटेलमा आयोजित सम्मेलनको   उद्घाटन गर्दै शिक्षा, विज्ञान तथा प्रविधि मन्त्री विद्या भट्टराईले अनुसन्धनकर्ताका निष्चित निष्कर्षबाट नीति बन्नुपर्ने बताएका छन् ।यस सम्मेलनको थिममा आउने वातावरणिय परिवर्तन स्वास्थ्यका समस्याबारे एउटा निग्कर्ष सहितको मार्ग चित्र दिन सकोस भन्दैे कार्यक्रमको सफलताको शुभकामना  दिएका छन्  ।

उनले स्वास्थ्य र जनसङ्ख्यामा आधारित अनुसन्धान प्रवद्र्धन, प्रमाणमा आधारित नीति तथा निर्माण प्रक्रिया सुदृढ गर्नु र वैज्ञानिक अनुसन्धानकर्ता तथा नीति निर्माताबीचको सहकार्यलाई बलियो बनाउनु सम्मेलनको उद्देश्य रहेको बताइन ।

उक्त सम्मेलनमा स्वदेशी तथा विदेशी विज्ञहरु प्रत्यक्ष रुपमा १ हजारको हाराहारीमा उपस्थित हुने र केही वक्ताले भर्चुअल माध्यमबाट पनि प्रस्तुति दिने जानकारी भएको छ ।जसमा भारत, चीन, युनाइटेड किङडम, स्विट्जरल्यान्ड, जर्मनी, अमेरिकालगायत अन्य देशका विज्ञहरूको भौतिक सहभागिता रहेका  छन  । सम्मेलनमा स्वास्थ्यसम्बन्धी विभिन्न अनुसन्धान प्रतिवेदन पनि सार्वजनिक गरिनेछ ।