स्वास्थ्यको लागि खेल आवश्यक : नगर प्रमुख

सिन्धुपाल्चोक । मेलम्ची नगरपालिका वडा नम्बर २ को आयोजनामा भएको युवाको आह्वान, खेलकुदमा प्रोत्साहन भन्ने मुल नाराका साथ तीन किलोमिटर दौड प्रतियोगिता कार्यक्रम सफलता पूर्वक सम्पन्न भएको छ ।

प्रतियोगितामा प्रथम, द्वितीय, तृतीय र सान्त्वना पुरस्कार राशी क्रमशः १० हजार, ८ हजार, ६ हजार र ४ हजार रहेको थियो । दौड प्रतियोगिताका धावकहरुलाई प्रमुख अतिथी एवम् नगरप्रमुख आइतमान तामाङले पुरस्कार तथा सम्मानपत्र वितरण गरेका थिए ।

पुरस्कार वितरण कार्यक्रममा बोल्दै नगर प्रमुख तामाङले खेलकूदले मानिसलाई हरेक कुरामा स्वस्थ रहनको लागि महत्वपूर्ण भूमिका निर्वाह गर्ने भएकाले खेलकूद विकासको लागि नगरपालिकाले सक्दो सहयोग बताए ।

कार्यक्रममा प्रमुख प्रशासकीय अधिकृत अशोक कुमार भट्टराई वडा नम्बर ५ का वडाध्यक्ष राजु रायमाझीलगायत स्थानीय जनप्रतिनिधि र खेलप्रमीहरुको सहभागिता रहेको थियो । कार्यक्रमको अध्यक्षता वडा नम्बर २ का वडाध्यक्ष नगेन्द्र प्रसाद खतिवडाले गरेका थिए । उक्त दौड प्रतियोगितमा ६ महिला र १७ पुरुष गरी २३ जनाले भाग लिएका थिए ।