सुन तोलामा ५ हजार ८ सय र चाँदी १५५ रुपैयाँले घट्यो

काठमाडौं । नेपाली बजारमा शुक्रबार सुन तथा चाँदीको मूल्यमा उल्लेख्य गिरावट आएको छ।

नेपाल सुनचाँदी व्यवसायी महासङ्घका अनुसार शुक्रबार छापावाल सुनको मूल्य प्रतितोला ५ हजार ८ सय रुपैयाँले घटेर २ लाख ८५ हजार ५ सय रुपैयाँ कायम भएको छ। बिहीबार यही सुन प्रतितोला २ लाख ९१ हजार ३ सय रुपैयाँमा कारोबार भएको थियो।

त्यसैगरी, चाँदीको मूल्य पनि घटेको छ। महासङ्घका अनुसार शुक्रबार चाँदी प्रतितोला १५५ रुपैयाँले घटेर ४ हजार ३ सय ५० रुपैयाँमा कारोबार भइरहेको छ। बिहीबार चाँदीको मूल्य प्रतितोला ४ हजार ५ सय ५ रुपैयाँ रहेको थियो।

अन्तर्राष्ट्रिय बजारमा भएको मूल्य परिवर्तनको प्रभावस्वरूप नेपाली बजारमा पनि सुन तथा चाँदीको मूल्यमा दैनिक उतारचढाव हुने गरेको महासङ्घले जनाएको छ।