सुनको मूल्यमा नयाँ कीर्तिमान, कतिमा हुँदैछ कारोबार ?

काठमाडौ । नेपाली बजारमा आज बुधबार सुनको मूल्यमा नयाँ कीर्तिमान कायम भएको छ । अन्तर्राष्ट्रिय बजार समेतमा उकालो लागेको सुन नेपाली बजारमा आज प्रतितोला एक लाख ५३ हजार रुपैयाँ कायम भएको छ ।

नेपाल सुनचाँदी व्यवसायी महासङ्घका अनुसार छापवाला सुन प्रतितोला एक लाख ५३ हजार रुपैयाँमा कारोबार हुने गरी निर्धारण भएको छ । मङ्गलबार प्रतितोला एक लाख ५२ हजार दुई सय रुपैयाँमा कारोबार भएको छापावाल सुन आज आठ सय रुपैयाँले वृद्धि भई नयाँ रेकर्ड कायम गरेको हो ।

यस्तै, चाँदीको मूल्य तोलामा १५ रुपैयाँले बढेको छ । मङ्गलबार प्रतितोला एक हजार आठ सय २० रुपैयाँमा कारोबार भएको चाँदी आजका लागि भने एक हजार आठ सय ३५ रुपैयाँमा कारोबार भएको छ ।