सहकारी पीडितहरूको मर्काप्रति सरकार संवेदनशील देखिएन : सचेतक लेखक

काठमाडौं । नेपाली कांग्रेसले सरकार जनताको समस्या समाधान गर्न असक्षम देखिएको बताएका छन् । सरकारको नीति तथा कार्यक्रम सार्वजनिक भएपछि संसद् भवन नयाँ बानेश्वरमा सञ्चारकर्मीसँग कुरा गर्दै कांग्रेस मुख्य सचेतक रमेश लेखकले यस्तो बताएका हुन् । उनले सरकार सहकारी पीडितहरूको मर्काप्रति संवेदनशील नरहेको बताए ।

उनले सरकारको कार्यक्रममा कुनै उत्साह नदेखिएको धारणा राखे । सहकारी प्रकरणमा पीडितलाई न्यायका साथै दोषीलाई कारबाही गर्ने प्रतिबद्धता नआएको जिकिर गरे ।