सर्वोच्चद्वारा शेखर गोल्छालाई धरौटीमा छोड्न आदेश

काठमाडौं । सर्वोच्च अदालतले उद्योगी शेखर गोल्छालाई धरौटीमा छोड्न आदेश दिएको छ । सर्वोच्चका न्यायाधीशद्वय महेश शर्मा पौडेल र श्रीकान्त पौडेलको संयुक्त इजलासले सोमबार गोल्छालाई धरौटीमा छोड्न आदेश दिएको हो ।

धरौटी तिर्न नसकेमा मात्रै थुनामा राख्न सकिने निष्कर्षसहित सर्वोच्चले गोल्छालाई जमानत नमागीकन थुनामा राखिने कार्य कानूनअनुसार नमिलेको ठहर गर्दै यस्तो आदेश दिएको छ ।

उनलाई थुनामुक्त गर्न माग गर्दै दायर भएको बन्दीप्रत्यक्षीकरणको रिट भने खारेज भएको छ ।