सरकारले बाह्र कक्षासम्मको शिक्षा निःशुल्क गर्दै छ : मन्त्री बस्नेत

बाह्रबीसे (सिन्धुपाञ्चोक) । स्वास्थ्य तथा जनसङ्ख्यामन्त्री मोहनबहादुर बस्नेतले बाह्र कक्षासममको शिक्षा निःशुल्क गर्ने तयारी भइरहेको बताउनुुभएको छ । उहाँले आज सिन्धुपाल्चोकको बलेफी गाउँपालिका–७ खाडीचौरस्थित बालशिक्षा माध्यमिक विद्यालयको ५९औँ बार्षिकउत्सव तथा अभिभावक भेलालाई सम्बोधन गर्दै १२ कक्षाससम्म निःशुल्क पढ्ने व्यवस्थाको लागि सरोकारवालासँग तीव्र रुपमा छलफल भइरहेको बताउनुुभएको हो ।
“१२ कक्षाससम्म निःशुल्क पढ्ने व्यवस्थाको लागि मैले मेरै नेतृत्वमा प्रधानमन्त्री र नेतालगायत सरोकारवालासँग कुरा गरिसकेको छु, अब छिट्टै निर्णय भैहाल्छ”, मन्त्री बस्नेतले भन्नुुभयो । उहाँले यही सरकारले १२ कक्षाससम्म निःशुल्क पढ्ने व्यवस्था गर्ने बताउनुुभएको हो । “विद्यालयलाई पैसा तिर्न नसक्दा विद्यार्थीले आत्महत्या गर्ने परिपाटीको अन्त्य हुनेछ”, उहाँले थप्नुुभयो ।
मन्त्री बस्नेतले शिक्षा र स्वास्थ्यका कारण धेरै मानिस मानसिक रोगी भएको आफसुले पाएको बताउँदै आत्महत्या गर्नेमध्ये पनि अधिकांश मानसिक रोगी रहेको बताउनुुभयो । उहाँले भन्नुुभयो, “नेपाली शिक्षालाई निःशुल्क गर्दै जाँदा आत्महत्या न्यूनीकरणमा सहयोग पुुग्नेछ ।” उहाँले सिन्धुपाल्चोकको बाह्रबीसे नगरपालिका, भोटेकोशी गाउँपालिका र त्रिपुरासुन्दरी गाउँपालिकाले आफ्ना विद्यालयमा १२ कक्षाससम्म निःशुल्क पढ्ने व्यवस्था निःशुल्क गरिसकेको बताउनुुभयो ।
मन्त्री बस्नेतले अब केही बर्षमा लाखौँलाख विद्यार्थीले नेपालमै सहुलियतमा मेडिकल शिक्षा पढ्न पाउँने बताउनुुभयो । “यसबाट खरबौँ रुपैयाँ विदेशिनबाट जोगिन्छ, खरबौ रुपैयाँ विदेबाट आउँछ र लाखौँलाखले रोजगारी पाउँनेछन्”, उहाँले भन्नुुभयो । उहाँले सरकारले एक प्रदेश एक मेडिकल कलेज सञ्चालन गर्ने योजना बनाइने उहाँले बताउनुुभयो । सो अवसरमा उहाँले विद्यालयलाई स्कुल बस प्रदान गर्ने गाउँपालिकाको पूर्वअध्यक्ष केदार क्षेत्रीलाई सम्मान गर्नुभयो ।
कार्यक्रममा बाग्मती प्रदेशको वन तथा वातावरण मन्त्री मसिना खड्काले शिक्षा नै भविष्य तय गर्ने बाटो भएकाले समसापेक्ष बदलिँदो प्रविधिसँगै शिक्षा प्रदान गर्नुपर्ने आवश्यकता औँल्याउनुुभयो । सो अवसरमा बाग्मती प्रदेशसभा सदस्य अमृता नेपाल, गाउँपालिका अध्यक्ष गंगाबहादुर तामाङलगायतले शुभकामना व्यक्त गर्नुभएको थियो ।
यस्तै मन्त्री बस्नेतले आजै बाह्रबीसे नगरपालिका–४ सिन्ध्ुपाल्चोकको ७३औँ बार्षिकउत्सव तथा अभिभावक दिवस कार्यक्रमलाई सम्बोधन गर्दै शिक्षा नै सर्वाङ्गिण विकासको मूल आधार भएको बताउनुभयो । उहाँले शिक्षाको विकास हुन नसके अन्य कुनै पनि विकास नहुनेसमेत दावी गर्दै शिक्षाको मन्दिरलाई व्यवस्थित गर्न समुुदायका सबै व्यक्ति लाग्नुपर्ने बताउनुुभएको हो ।
मन्त्री बस्नेतले विद्यार्थीको शैक्षिक गुणस्तरका लागि शिक्षक, विद्यार्थी र अभिभावकको गहन जिम्मेवारी रहने बताउनुभयो । “शिक्षाको विकास हुन सकेन भने अन्य केही पनि विकास हुन सक्दैन, त्यसैले शिक्षा नै सर्वाङ्गिण विकासको मुल आधार हो, यसलाई सबैले आत्मसात गर्नैपर्छ”, मन्त्री बस्नेतले भन्नुभयो । “विद्यार्थीको शैक्षिक गुणस्तर बृद्धिका लागि शिक्षक र अभिभावकको ठूलो दायित्व र जिम्मेवारी रहन्छ, जनप्रतिनिधिले त्यसका लागि आवश्यक पर्ने भौतिक पूर्वाधारलगायत जनशक्ति ब्यवस्थापन गरिदिने हो”, उहाँले भन्नुभयो ।