श्रीलंकामा आँधीबाट १५९ जनाको मृत्यु,ठूलो विनाश

काठमाडौं । श्रीलंकामा ‘दित्वा’ आँधीबाट १५९ जनाको मृत्यु भएको विभागका महानिर्देशक सम्पत कुतोवेगोदाले भएका बताएका छन् ।आँधीपछिको विपद्‌मा १२० हजारभन्दा बढी घर नष्ट भएको छ । उक्त आँधीमा करिव २ सय भन्दा बढी हराइरहेको बताइएको छ ।
एक लाखभन्दा बढी मानिसलाई सरकारी अस्थायी शिविरहरूमा राखिएको देशको विपद् व्यवस्थापन विभागले जनाएको छ ।विभागका महानिर्देशक सम्पत कुतोवेगोदाले  राहत तथा उद्धार कार्यमा स्थल, वायु र नौसेनाको पनि मद्दत लिइएको  उल्लेख गरे ।

मध्य श्रीलंकास्थित बादुला जिल्लामा सडकबाट पुग्न असम्भव भएका कारण धेरै ठाउँको अवस्था अस्तव्यस्त छ । गाउँसम्म राहत सामग्री पुर्‍याउन समस्या भइरहेको जनाइएको छ ।सबैभन्दा बढी प्रभावित गाउँमा मानिस मन्दिर र घरमा शरण लिएर बसिरहेका छन् ।भूस्खलनका कारण सडक भत्किएकाले त्यहाँ बाहिरी मानिस पुग्न सकेका छैनन् । खाना र पिउने पानीको पनि समस्या भएको छ ।

देशको एकतिहाइ हिस्सामा बिजुली र पानीको अभाव भएको अधिकारीहरूले बताएका छन् । धेरै इलाकामा इन्टरनेट सेवा पनि अवरुद्ध छ । कोलम्बोबाट पूर्वतर्फ ११५ किलोमिटर टाढा क्यान्डीमा भूस्खलन भएको छ । सडक भत्किएको छ । धेरै इलाकामा जान सम्भव छैन ।