शंकरदेब क्याम्पसले पढाईसँगै खेलकुदको क्षेत्रमा पनि ख्याती कमाएको छ : पुर्व मन्त्री बस्नेत

काठमाडौ । पुर्व स्वास्थ्य मन्त्री एवं नेपाली कांग्रेसका प्रभावशाली केन्द्रीय सदस्य मोहनबहादुर बस्नेतले शंकरदेव क्याम्पसले पढाईसँगै खेलकुदको क्षेत्रमा पनि ख्याती कमाएको बताएका छन् । स्वतन्त्र विद्यार्थी युनियन शंकरदेब क्याम्पस ईकाईले आयोजना गरेको एसडिसी त्रिवि अन्तरक्याम्पस बिबिए फुटबल प्रतियोगिताको समापनको अवसरमा आईतबार हलचोकमा सम्बोधन गर्दै पुर्व मन्त्री बस्नेतले विद्यार्थीका लागि पढाईका साथै खेलकुलको पनि महत्वपूर्ण स्थान भएकाले शंकरदेब क्याम्पसले खेलकुदका विकासका लागि गरिरहेको प्रयास प्रशंसनिय भएको बताएका हुन ।

खेल क्षेत्रमा खेलाडीहरुले देश विदेशमा उत्कृष्ठ प्रदर्शन गर्दा खेलाडीमो मात्र नभएर देशकै ख्याती बढ्ने भएकाले राज्यले खेल क्षेत्रमा लगानी बढाउनु पर्नेमा बस्नेतले जोड दिए । पुर्व मन्त्री बस्नेतले भने, ‘ नेपालको झण्डा संसारमा फहराउने खेलकुद नै हो । यसको विकासमा राज्यले लगानी बढाउनु आवश्यक छ ।’ खेलकुलका क्षेत्रमा अहिले राज्यले गरिरहेको लगानी न्युन भएको बताउदै बस्नेतले अहिलेको भन्दा कम्तिमा पनि दोब्बर लगानी बढाउनु पर्ने औल्याए ।

राजनीतिक प्रशंग कोट्याउदै बस्नेतले प्रजातन्त्रमा अल्यपमतले बहुमतमाथि सासन गर्न नहुने भए पनि नेपालमा त्यही भइरहेकोले अहिले ठूला दुई पार्टी मिलेर सरकार गठनको तयारी गरिएको बताए । देश र जनताको आवश्यकता अनुसार संविधान संसोधन गर्न ठूला दुई पार्टी मिलेर सरकार गठन गर्नु पर्ने बाध्यत्मक अवस्था आइ परेको बस्नेतको भनाई थियो । प्रतियोगिता समापन समारोहमा नेपाली कांग्रेसका नेता शुभराम बस्नेतले अब बन्न लागेको सरकारलाई काम नगरि बस्ने छुट नभएको बताउदै गफ भन्दा काममा जोड दिनु पर्ने सुझाव दिए ।

कार्यक्रममा शंकरदेश क्याम्पसका क्याम्पस प्रमुख कृष्ण प्रसाद आचार्य र एन्फाका कर्माछिरिङ शेर्पाले पनि खेलकुलको विकासका लागि शंकरदेब क्याम्पसको योगदान महत्वपूर्ण रहेको बताएका थिए । स्वतन्त्र विद्यार्थी युनियनका सभापति सुसान्त बस्नेतले क्याम्पसले खेल क्षेत्रको विकासका लागि योजना बनाएर अगाडि बढ्ने बताए ।

स्ववियु शंकरदेश क्याम्पस ईकाईका सचिव मदनराज उपाध्यायले प्रतियोगितामा सहभागी क्याम्पसका खेलाडी र आगन्तुकलाई धन्यवाद ज्ञापन गर्दै खेलकुदको विकासका लागि राज्यले लगानी बढाउनु पर्नेमा जोड दिएका थिए । प्रतियोगितामा उपत्यकाका २७ वटा क्याम्पसले सहभागिता जनाएका थिए । नेपाल कमर्श क्याम्पस र सैनिक आवासीय क्याम्पस विच भएको खेलमा सैनिक आवसीय क्याम्पसले विजय हासिल गरेको स्ववियु सभापति बस्नेतले बताए ।