वीरको जनशक्ति छनोट प्रक्रियामा राजनीतिक हस्तक्षेप

काठमाडौं । देशकै पुरानो र ठूलो वीर अस्पतालमा नर्स अभावका कारण सेवाग्राहीहरु मारमा परिराखेका छन् । अस्पतालमा जनशक्ति पदपूर्ति गर्दा स्थायी होस् अथवा अस्थायी होस् खुल्ला प्रतिस्पर्धाबाट दक्ष व्यक्तिले स्थान पाउनुपर्ने हुन्छ । तर, वीर अस्पतालमा लामो समयदेखि नर्स भर्ना गर्न नसक्दा सेवा प्रभावित हुँदै आएको छ । त्यसलाई परिपूर्ति गर्नको लागि तत्काल अस्थायी नर्सहरू भर्ना गर्न आवेदन माग गरिएको थियो । अस्थायी नर्सको लागि आवेदन दिएकामध्येबाट प्रक्रिया पु¥याएर नर्स छनोट गर्न बनेको परीक्षा सममितिले १ सय जना नर्सको नामावली छनोट गर्नुपर्ने थियो ।

नर्स छनोटको लागि बनेको परीक्षा समितिले नै योग्यता, क्षमता र अनुभवको आधारमा निष्पक्ष ढंगले काम गर्न नसकेपछि समितिमाथि नै प्रश्न उठेको छ । उता, स्वास्थ्य तथा जनसंख्यामन्त्री प्रमोद यादव र केही कर्मचारीहरूको मिलोमतोमा वीर अस्पतालमा प्रक्रिया पु¥याएर नर्सहरूको परीक्षा लिनुपर्नेमा दबाब र सोफोर्सको भरमा आफ्ना आसेपासे भर्ना गर्ने प्रयास भइरहेको स्रोतको दावी छ । परीक्षा समितिले तयार पारेको नतिजालाई नतिजा एकहप्ता अगाडि नै सार्वजनिक हुनुपर्ने थियो । तर, सेटिङमा आफ्ना आफ्ना मान्छे छिराउन खोज्दा परीक्षा समितिले तयार पारेको नतिजालाई लुकाएको बताइन्छ ।

परीक्षा समितिले नर्सहरूको लिखित परीक्षा लिएर उनीहरुले प्राप्त अङ्कको आधारमा १ जना नर्स छनोट गर्नुपर्ने थियो । तर, लिखित परीक्षाको नतिजा सार्वजनिक नगरेर गुपचुप राखेको बताइन्छ । आफ्ना मान्छे राख्न लिखित परीक्षाको नतिजालाई बेवास्ता गर्दै चलखेल भएपछि विरोध भएको स्रोतले जनाएको छ ।

जनता समाजवादी पार्टी नेपाललाई विभाजन गरेर आएका प्रदीप यादव स्वास्थ्य तथा जनसंख्या मन्त्री बनेपछि एक सय जना नर्सको नतिजालाई राजनीतिक हस्तक्षेप गरेर गैह्रकानूनी तरिकाले कर्मचारी छनोट गर्ने प्रयास गरेको बताइन्छ । मन्त्री यादवले पनि नर्सहरूको लामो लिष्ट वीर अस्पतालमा पठाएका थिए । त्यसका कारण नर्स छनोट प्रक्रिया अलमलमा परेको हुनुपर्छ । तर, अस्पताल जस्तो सम्वेदनशील ठाउँमा दक्ष, योग्य र अनुभवीले स्थान पाउनुपर्ने आवेदकहरुको माग छ ।