वडा अध्यक्ष रामेश्वर महतोको नेतृत्वमा जेन–जी युवामाथि कुटपिट, गाउँमा तनाव

सर्लाही — सर्लाहीको चन्द्रनगर गाउँपालिका–१ मा वडा अध्यक्षको नेतृत्वमा जेन–जी युवामाथि कुटपिट भएको छ। वडा नं १ का वडा अध्यक्ष रामेश्वर प्रसाद महतो, उनका भतिज मुकेश महतो, अजय महतो, अनिल महतो, सहयोगी राम साह, बिजय महतो र शंकर महतोलगायतको समूहले सोही वडा निवासी किसनपुरका जेन–जी युवा विवेकानन्द गुप्तामाथि सामूहिक आक्रमण गरेको छ।

घटनास्थलका स्थानीयका अनुसार वडा अध्यक्ष महतो पक्षले गुप्ताको घर नै घेराउ गरी कुटपिट गरेको हो। यस घटनापछि गाउँमा तनाबपूर्ण अवस्था सिर्जना भएको छ।

घटनाको सुरुवात वडा कार्यालयको मोटरसाइकल चोरी विवादबाट भएको बताइएको छ। कार्तिक २ गते आइतवार वडा कार्यालयका सचिव रमन लुइँटेलको मोटरसाइकल वडा अध्यक्ष महतोले प्रयोगका लागि लगेको थिए। तर सो विषयमा सचिवलाई जानकारी नदिई मोटरसाइकल लिइएपछि युवाहरूले सामाजिक सञ्जालमार्फत “वडा अध्यक्षले मोटरसाइकल चोरी गरेका छन्” भन्ने आरोपसहित पोस्ट गरेका थिए।

सोही सामाजिक सञ्जालमा फैलिएको आरोपको विषयलाई लिएर वडा अध्यक्ष पक्षले जेन–जी युवा गुप्तामाथि कुटपिट तथा गालीगलौज गरेको जेन–जी युवा दिपेश कुमार महतोले जानकारी दिएका छन्।

वडा कार्यालयका सहयोगी पशुपति महतोले आइतवार राति करिब १० बजे वडा नं १ को कार्यालय खोलदा वडा अध्यक्षले सचिवको मोटरसाइकल त्यहाँ राखेका थिय। त्यसपछि वडा अध्यक्षले आफ्नो निजि मोटरसाइकल फिर्ता लगेको बताइन्छ।

घटनापछि जेन–जी आन्दोलनका घाइते नेता उदय प्रकाश साहको नेतृत्वमा युवाहरूले वडा अध्यक्ष रामेश्वर महतोमाथि कारबाहीको माग गर्दै विरोध प्रदर्शन गरेका छन्। उनीहरूले वडा अध्यक्ष पक्राउ पर्नुपर्ने मागसहित नारा बाजी गरेका छन्।

जिल्ला प्रहरी कार्यलयका प्रवक्ता सरोज राइले घटनाको अनुसन्धान सुरु गरेको बताउनुभयो । उहाले अहिले अवस्था समान्य भएको र दुबै पक्षलाई छलफलको लागि बोलाइएको जानकारी दिनुभयो ।