लिग–२ र युके टूरका लागि रोहितको कप्तानीमा नेपाली टोली घोषणा

sasmita pathak २०८३ असार १२, शुक्रबार , प्रकाशित खेलकुद

काठमाडौँ । नेपाल क्रिकेट संघ (क्यान) ले आइसीसी पुरुष क्रिकेट विश्वकप लिग–२ सिरिज तथा युके प्रिपेरेसन टूरका लागि रोहित पौडेलको कप्तानीमा १५ सदस्यीय नेपाली राष्ट्रिय टोली घोषणा गरेको छ ।

घोषित टोलीमा अनुभवी विकेटकिपर ब्याटर विनोद भण्डारी र युवा खेलाडी अर्जुन कुमाललाई समावेश गरिएको छ । यस्तै साहब आलम, हेमन्त धामी, आकाश चन्द, युवराज खत्री र सन्दीप जोरा वैकल्पिक खेलाडीका रूपमा राखिएका छन् ।

टोलीमा कप्तान रोहित पौडेलसँगै उपकप्तान दीपेन्द्र सिंह ऐरी, कुशल भुर्तेल, आसिफ शेख, इशान पाण्डे, आरिफ शेख, गुलशन झा, करण केसी, सोमपाल कामी, नन्दन यादव, सन्दीप लामिछाने, ललित राजबंशी, भीम सार्की, अर्जुन कुमाल र विनोद भण्डारी रहेका छन् ।

टूरअन्तर्गत नेपालले जर्सीसँग जुलाई १३ र १५ मा दुई अभ्यास खेल खेल्नेछ । त्यसपछि जुलाई २१ देखि ३१ सम्म नेदरल्याण्ड्समा हुने आइसीसी क्रिकेट विश्वकप लिग–२ सिरिजमा नेपालले आयोजक नेदरल्याण्ड्स र नामिबियासँग प्रतिस्पर्धा गर्नेछ ।

हाल नेपाल लिग–२ अंकतालिकाको पाँचौँ स्थानमा रहेको छ । नेपालले २८ खेलबाट २४ अंक जोडेको छ ।

मुग्लान न्युजमा प्रकाशित कुनै समाचारमा तपाईंको गुनासो भए हामीलाई muglannews02@gmail.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने muglannews02@gmail.com मा सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।