ललितपुर र भक्तपुरसहित १७ जिल्लाका प्रमुख जिल्ला अधिकारी परिवर्तन

ललितपुर/ ९ कातिक, सरकारले ललितपुर र भक्तपुरसहितका १७ जिल्लामा प्रमुख जिल्ला अधिकारी (सीडीओ) काे जिम्मेवारी हेरफेर गरेको छ । गृह मन्त्रालयले शुक्रबार ललितपुर र भक्तपुरलगायतका जिल्लाका प्रमुख जिल्ला अधिकारीहरुकाे जिम्मेवारी हेरफेर गरेको हाे। गृहको निर्णय अनुसार जिल्ला प्रशासन कार्यालय रुपन्देहीका प्रमुख जिल्ला अधिकारी गणेश अर्याललाई जिल्ला प्रशासन कार्यालय पर्सामा सरुवा गरिएको छ। रुपन्देहीकाे प्रजिअमा बासुदेव घिमिरेलाई पठाएको छ ।
दिनशेसागर भुसाललाई पर्साबाट भैरहवा विमानस्थलको अध्यागमन कार्यालयमा पठाइएको छ। लालबाबु कवारीलाई महोत्तरीको प्रमुख जिल्ला अधिकारी बनाइएको छ ।
भक्तपुरमा यसअघि डोटीमा प्रजिअ रहेका गोपालप्रसाद अर्याललाई पठाइएको छ । भक्तपुरकी सीडीओ रोशनीकुमारी श्रेष्ठलाई राष्ट्रिय विपद जोखिम न्युनीकरण प्राधिकरणका सरुवा गरिएको छ।
ललितपुरका प्रजिअ तुल्सीबहादुर श्रेष्ठलाई गृह मन्त्रालयमा ल्याइएको छ भने ललितपुरमा रमेश ढकाललाई पठाइएको छ ।