राष्ट्रपति पाैडेलद्वारा श्रीकृष्ण जन्माष्टमीकाे उपलक्ष्यमा पाटन कृष्णमन्दिरमा पूजा आरधना

ललितपुर/ १० भदौ: राष्ट्रपति रामचन्द्र पाैडेलले प्रथम महिला सविता पाैडेलसहित श्रीकृष्ण जन्माष्टमी पर्वकाे उपलक्ष्यमा साेमबार ललितपुरकाे पाटनस्थित प्रसिद्ध कृष्ण मन्दिर पुगेर भगवान श्रीकृष्णकाे पूजाअर्चना गर्नुभयो ।

साे अवसरमा राष्ट्रपति पाैडेलले पुजारीबाट भगवान् श्रीकृष्णकाे टीका र प्रसाद ग्रहण गर्नुभयो ।

राष्ट्रपति पाैडेल पाटन कृष्ण मन्दिर पुग्नुहुंदा ललितपुर महानगरपालिकाका पदाधिकारीहरू, सांसदहरूलगायतले स्वागत गर्नुभएको थियो ।

वैदिक सनातन हिन्दु धर्मावलम्बीले श्रीकृष्ण जन्माष्टमी आज देशभर भगवान श्रीकृष्णकाे पूजा आराधना गरी श्रद्धा भक्तिपूर्वक मनाउँदै छन् ।