रसुवा बाढीमा तपाईको आफन्त हराइरहनु भएको छ ? अब khozi.facetagr.com ले सहयोग गर्न सक्छ

काठमाण्डौं / भदौ १५ रसुवास्थित भोटेकोशी नदिमा भदौ १० गते आएको बाढीमा कतै तपाईको आफन्तहरु त पर्नु भएको छैन ? आफन्तहरु हराई रहेका तथा भेट्टिएका शवहरु कतै आफ्नो मान्छेको हो कि भनेर खोजिरहनु भएको छ ? खोज्दा खोज्दा हैरान हुनुभएको र यो पीडामाथि झन पीडा परिरहेको हुनसक्छ । यो समस्यालाई केही सहजीकरण गर्न र भेट्टिएका शवहरु मध्ये पहिचान नखुलेका शवहरुको, पहिचान गरि तपाईलाई खबर गरि जानकारी दिने निशुल्क एप्प तयार भएको छ ।
त्यो एप्प हो khozi.facetagr.com । अनुहारको पहिचान अर्थात फेसियल रिक्नाइजेशनबाट पहिचान गर्न यो एप्प तयार भएको हो । यो एप्प खोलेर तपाईले आफ्नो परिचय सहित हराइरहेको ब्यक्ति जीवित हुदाँ आफ्नोको फोटो अपलोड गर्नुपर्ने हुन्छ । सो फोटो र भेट्टिएका शवको अनुहार वा शरिरका भागहरु स्क्रानिङ गरेर यो एप्पले वास्तविक को हो भन्ने पत्ता लगाइदिन्छ । प्रविधिको क्षेत्रमा लामो समय अमेरिकामा बसेर काम गरेर समिर पन्थी सहितको टोलीले यो तयार गरि निशुल्क रुपमा खोजीमा सहयोग गर्ने गरेको छ । शवहरुको पहिचान नखुलेको भनी राखिएका र गाड्न ठिक्क पारेका मध्ये १० वटा भन्दा बढी शवको पहिचान गरेर सम्वन्धित आफन्तलाई खबर गरिएको यसका सन्चालक समिर पन्थीले जानकारी दिए । उनका अनुसार- प्रविधिको प्रयोग गरेर हराईरहेका ब्यक्तिहरुको खोजि गर्न र भेट्टिएका शव कसको हो भनी पहिचान गरि आफन्तसम्म पुर्याउने उद्देश्यले निशुल्क यो एप्प सन्चालनमा ल्याइएको हो । यसले सरकार र नागरिकवीच सहयोग पुर्याउने र यो विपदमा थोरै भएपनि हराइरहेका ब्यक्तिका परिवारलाई सहयोग मिलोस् भन्ने उद्देश्य रहेको छ ।
९०७ जनाको शब अहिलेसम्म भेट्टिएको छ । तर धेरैको पहिचान खुल्न सकेको छैन । पहिचान खुल्न नसकेका शवहरुको देवघाटको जंगलमा डिएनएको लागि छुट्याएर गाड्ने तयारी गरिएको छ । हजारौं ब्यक्ति आफ्नो आफन्त हराइरहेको बारे विभिन्न निकायमा धाउने देखि चितवन हुदै रसुवासम्म पुगेर खोजिरहेका छन् । यस्तो कठिन अवस्थामा आफ्नो आफन्तको सके सास देउ नभए लाश देउ सरकार ! भनिरहेको बेला शवको पहिचान भए परिवार वा आफन्तलाई आफ्नो रितिरिवाज अनुसार सदगज गर्न पाउने थिए । यसको लागि यो एप्सले निकै सहयोग पुर्याउने विश्वास लिइएको छ । भोटेकोशी बाढीमा परि करिव ५ हजार ब्यक्ति हराइरहेको सरकारी तथ्याङ रहेको छ ।