बाढीले क्षति पुगेको चनौटे पुलको अवलोकन र मर्मतका लागि पहल गर्नुहुँदै पूर्वमन्त्री बस्नेत (फोटोफिचर)

काठमाडौँ । लगातारको वर्षापछि मेलम्ची खोलामा आएको बाढीका कारण सिन्धुपाल्चोक हेलम्बु गाउँपालिका, चनौटे बजारस्थित बेलिब्रिज जोखिममा परेलगत्तै पूर्वमन्त्री तथा प्रतिनिधिसभा सदस्य मोहन बहादुर बस्नेत त्यहाँ पुगेका छन् ।

हेलम्बु गाउँपालिका चनौटेस्थित मेलम्ची, हेलम्बु र पाँच पोखरीको लाईफलाईनको रुपमा रहेको रातो पुल जोखिममा परेको खबर पाएपछि त्यहाँ पुगेका पूर्वमन्त्री बस्नेतले पुल जोगाउनका लागि नेपाली सेना, शसस्त्र प्रहरी र नेपाल प्रहरीद्वारा द्रुत रुपमा कार्य सुचारु गर्नुका साथै स्थानीयहरुसँग भेटघाट गर्दै त्यहाँको वस्तु स्थितिबारे जानकारी लिएका छन् ।

पूर्वमन्त्री बस्नेतसँगै नेपाली काङ्ग्रेस बाग्मती प्रदेश सभा सदस्य माननीय कृष्ण कुमार तामाङ, जिल्लाका प्रमुख जिल्ला अधिकारी, स्थानीय जनप्रतिनिधिहरु , सडक डिभिजन कार्यालय चरिकोटका प्रमुख, नेपाली सेना शसस्त्र प्रहरी र नेपाल प्रहरीका सिन्धुपाल्चोक जिल्ला प्रमुख लगायतको टोली त्यहाँ पुगेको हो ।

शुक्रबारदेखि परेको अविरल वर्षाले क्षति पुर्याएको पुल जोगाउनका लागि पूर्वमन्त्री बस्नेतको पहलमा तीब्र गतिमा काम सुरु भएको छ ।