प्रसूति गृहमा ईको कार्डियोग्राफी सेवा शुरु

मुग्लान न्युज २०८१ जेष्ठ २, बुधबार , प्रकाशित स्वास्थ्य

काठमाडौं । प्रसूति गृहमा जेठ १ गते देखि गर्भमा रहेको बच्चा र आमाको ईको कार्डियोग्राफी सेवा शुरु भएको छ ।

यस अघि गंगालाल लगायत अन्य निजी अस्पतालमा गएर गर्नुपर्ने यो सेवा गर्भवती आमा र पेटमा रहेको बच्चाको मुटुको अवस्था बुझ्ने ईको कार्डियोग्राफी सेवा गरिएको छ ।

परोपकार प्रसूति तथा स्त्री रोग अस्पतालका निर्देशक डा. श्रीप्रसाद अधिकारीका अनुसार नयाँ सेवा विस्तारका रुपमा गर्भवती महिला र गर्भमा रहेको बच्चाको मुटुको जाँच इको कार्डियोग्राफी शुरु गरिएको हो । यस अघि गंगालाल अस्पताल तथा अन्य निजी अस्पतालमा जानुपर्ने बाध्यतालाई सहजीकरण गर्न गंगालालकै डाक्टरले हप्ताको तीन–तीन दिन उक्त सेवा दिने भएका छन् ।

जेठ १ गते देखि बेलुका ५ बजेपछि इको कार्डियोग्राफीु हुने छ भने यसको लागि टिकट भने ३ बजे खुल्ने छ ।

गर्भवती तथा अन्य महिलाको इको कार्डियोग्राफी आइतबार, मंगलबार र बिहीबार हुने छ भने गर्भमा रहेको शिशुको इको कार्डियोग्राफी सोमबार, बुधबार र शुक्रबार हुने छ।

डा.अधिकारीले यस सेवाले अस्पतालमा आउने गर्भवती महिलालाई सहज हुने विश्वास व्यक्त गर्नु भयो ।

मुग्लान न्युजमा प्रकाशित कुनै समाचारमा तपाईंको गुनासो भए हामीलाई muglannews02@gmail.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने muglannews02@gmail.com मा सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।