पूर्व–पश्चिम राजमार्गको कल्पना विपीको : डा. शशांक कोईराला

काठमाडौं । नेपाली कांग्रेसका सांसद डा. शशांक कोईरालाले पूर्व–पश्चिम राजमार्गको पहिलो कल्पना स्व.नेता विश्वेश्वरप्रसाद (विपी) कोईरालाले गर्नुभएको बताएका छन्। बीपी स्मृति दिवसको अवसरमा मंगलबार बीपी संग्रहालय, सुन्दरीजलमा आयोजित कार्यक्रमलाई सम्बोधन गर्दै उनले भने, ‘पूर्व–पश्चिम राजमार्गको कल्पना सायद बीपीले गरेको   थियो ।

उनले राजा महेन्द्रले राजमार्गको निर्माण गरे पनि कल्पना बीपीको रहेको बताए । अहिले देश धेरै विकसित भइसकेको भन्दै अझै परिवर्तन गर्न जरुरी रहेको उनले बताए । नेपालमा जनताको सेवाको लागि सबैभन्दा धेरै काम गर्ने व्यक्ति बीपी भएको दाबी गर्दै देशको लागि बीपीले जति काम अरु कसैले पनि गर्न नसकेको बताए ।

सांसद कोइरालाले नेपालमा जनताको सेवाका लागि सबैभन्दा धेरै काम गर्ने व्यक्ति बीपी कोइराला नै भएको दाबी गर्दै देशका लागि उनले गरेको योगदान जति अरू कसैले पनि गर्न नसकेको बताए। “बीपी सम्झिँदा आँसु आउँछ। उहाँले जति देशको लागि गर्नुभयो, मलाई लाग्छ कसैले पनि त्यति गरेको छैन। १२-१४ वर्ष त जेल बस्नुभयो। भारतमा आन्दोलनमा जेल बस्नुभयो,” उनले स्मरण गरे।

उनले अहिले देश धेरै विकसित भइसकेको भए पनि अझै परिवर्तन गर्न जरुरी रहेको बताए। डा. कोइरालाले बीपी कोइरालाले विकासका लागि धेरै काम गरेको र उनको दूरदृष्टिले नै नेपालको विकासको जग बसेकोमा जोड दिए।